Wikipedia:Wat Wikipedia net ass

Vu Wikipedia, der fräier Enzyklopedie.

Ofkierzung: WP:WWNA

Regelen a Konventiounen Grondprinzipien Wat Wikipedia net ass Neutralitéit Copyright Wikiquette Inhalt Themeberäicher Systematik Linken Formatéierung

Wikipedia ass eng Enzyklopedie a kann dofir verschidden aner Saachen net sinn. Hei si Punkten opgezielt, déi an Artikelen oft falsch oder mëssverstane ginn.

1. Wikipedia ass keen Dictionnaire. Et ass net d'Aufgab vun enger Enzyklopädie gängeg lëtzebuergesch Wierder ze erklären, sou wéi en Dictionnaire dat mécht. Friemwierder a besonnsch lëtzebuergesch Wierder kënnen natierlech esou behandelt ginn, wéi dat och a gedréckten Enzyklopedien üblech ass. E Wierderbuchprojet fir all lëtzebuergesch Wierder ass den Duechterprojet Wiktionary.
2. Wikipedia erfënnt keng Theorien, si stellt Theorien duer. Et solle weder nei Theorien, Modeller oder Konzepter opgestallt ginn, nach nei Begrëffer etabléiert ginn. De But vum Enzyklopedieprojet ass d'Zesummestellung vum bekannte Wëssen.
3. Wikipedia ass keng Plattform fir Reklamm. Eis Aufgab ass et, d'Saachen neutral ze betruechten, och wann e Film oder eng CD extrem "kulteg" ass. Kontrovers Behaaptunge sollen ëmmer kloer dokumentéiert ginn. An Artikelen zu Firmen oder verschiddene Marken geet ee Link op d'Organisatioun oder op de Produit fëllegen duer.
4. Wikipedia ass keng Plattform fir perséinlech Essayen oder Fan-Säite vu realen oder fiktiven Idoler. All Artikele solle sachlech, objektiv an enzyklopedesch geschriwwe sinn.
5. Wikipedia ass keen Diskussiounsforum oder Chatraum. Natierlech kann ënnert de Benotzer op hiren Diskussiounssäiten oder am Stamminet e bësse gepotert ginn, mee de But vun enger Enzyklopedie soll net aus den Aa verluer ginn.
6. Wikipedia ass kee Webspace-Provider a kee Blog.
7. Wikipedia ass keng Datebank an domadder
   1. keng Sammlung vu Quellen wéi ganze Bicher oder historeschen Dokumenter. Fir Texter aus dem Domaine public gëtt et Wikisource, fir Zitater Wikiquote.
   2. kee Veräins-, Organisatiouns-, Persounen- oder Firmeverzeechnis. D'Giel Säite fënnt een anzwousch anescht. Adressen oder Telefonsnummeren sinn an Artikelen net erwënscht. Fir méi Informatioun iwwert déi jeweileg Organisatioun ze kréien, geet e Link op hir Websäit fëllegen duer.
   3. Wikipedia ass keng Linksammlung. Natierlech ass et dacks nëtzlech e Link op extern Säiten ze hunn, mee exzessiv Link-Lëschte sinn net erwënscht.
   4. Wikipedia ass kee Veranstaltungskalenner.

• Wikipedia ass keng Propaganda-Plattform.

[Änneren] Folge wann dës Grondsätz net beuecht ginn

• Den Artikel gëtt ëmgeschriwwen.
• Den Artikel gëtt weidergeleet.
• Den Artikel riskéiert geläscht ze ginn.
• Bei Mëssbrauch kann och d'IP-Adress gespaart ginn.