Schaltjoer
Vu Wikipedia, der fräier Enzyklopedie.
 |
Dësen Artikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
E Schaltjoer ass e Joer mat 366 amplaz vun 365 Deeg. An engem Schaltjoer huet de Februar 29 amplaz vun 28 Deeg.
[Änneren] Aktuell Reegel
Zënter der Aféierung vum gregorianesche Kalenner gëllt:
- Nëmme Joren, déi ouni Rescht duerch 4 deelbar sinn, si Schaltjoren.
- Ausnam: Joren, déi ouni Rescht duerch 100 deelbar sinn, si keng Schaltjoren.
- Ausnam zur Ausnam: Joren, déi ouni Rescht duerch 400 deelbar sinn, si Schaltjoren.
Sou war d'Joer 2000 e Schaltjoer wéinst der 3. Reegel, 1900 dogéint wor keent wéinst der 2. Reegel.
De julianesche Kalenner, de Virgänger vum gregorianeschen, huet nëmmen déi éischt Reegel kannt.
E Joer op der Äerd huet genau 365,2422 Deeg. Am julianesche Kalenner hat e Joer am Duerchschnëtt eng Längt vun 365,25 Deeg, an dat huet am Laf vu 15 Joerhonnerten zu engem Ënnerscheed vun 10 Deeg gefouert. De gregorianesche Kalenner huet dësen Ënnerscheed duerch e Joer mat 10 Deeg manner ausgeglach, an zwar 1582, wou nom 4. Oktober direkt de 15. Oktober koum. Zanterhir huet d'Joer am Duerchschnëtt 365,2425 Deeg. Dat ass zwar ëmmer nach zevill, ma eréischt an 10.000 Joer entsteet e Feeler vun 3 Deeg.
