Pol Albrecht
Vu Wikipedia, der fräier Enzyklopedie.
 |
Dëse Museksartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
De Pol Albrecht, *23. Mee 1874, †8. Mee 1975, war e lëtzebuergesche Museker a Komponist. Vun 1937 bis 1939 war hien zu Lëtzebuerg Dirigent vun der Militärmusek. Nëmme 15 Deeg hun him gefeelt, soss wier hien 101 Joer al ginn. De Musekkritiker Léon Blasen bezeechent hien als de grousse Lëtzebuerger Marschkinnek. A senge jonge Jore war de Pol Albrecht och Dirigent vun enger ganzer Rei Lëtzebuerger Musek- a Gesanggesellschaften. Lang war hien Member vun de Juryën bei Musekconcouren.
Inhaltsverzeechnis |
[Änneren] Formatioun
Säi Papp war scho Militärmuseker. An dofir ass de Pol Albrecht, musekalesch begabt, an der Kasären vum Hellege Geescht op d'Welt komm, als lescht vu 10 Kanner. Seng Mamm, d'Schwëster vum Lëtzebuerger Heemechtsdichter C.M. Spoo huet him zousätzlech d'Léift zur Lëtzebuerger Sproch bäibruecht. Am Kolléisch huet de Pol Albrecht et nëmmen zwee Joer ausgehalen, well säi Wonsch war jo fir Museker ze ginn. 1889, am Alter vu 15 Joer, koum en an d'Militärmusek. Hien huet Klarinett a Gei gespillt. Déi fréier Dirigenten vun der Militärmusek: de Gustave Kahnt, den Edmond Patzké an de Fernand Mertens hunn him hei vill bäibruecht. Orchestratioun an Harmonie huet e beim Gust Kahnt a beim Dominique Heckmes, dem Dirigent vum Cäcilieveräin vun der Kathedral, geléiert. Mä hien ass ower och nach, wéi de Léon Blasen äis verzielt, an de Conservatoire gaang fir sech an der Klarinett a Gei ze perfektionnéieren.
[Änneren] Säi Liewen a seng Carrière
- 1890: Bestiedness mam Josephine Soisson. D'Puer hat fënnef Kanner, zwee Jongen an dräi Meedecher, déi alleguer an der Kasär op d'Welt komm si.
- 1907: De Pol Albrecht gët Adjutant
- 1927: Sous-Chef vun der Militärmusek
- 1938: Hien avancéiert zum Chef de musique ff vun der Militärmusek
- 1939: De Pol Albrecht ass bis zu sénger Altersgrenz am Dëngscht bliwwen. Mat 49 Dengschtjoren ass hien den 31. Mee 1939 pensionnéiert gi.
- 1947: Den 19. November 1947 krutt hien den Eierentitel vum Leitnant an der Arméi
- 1974: (21. Mee) gouf am neien Theater zu Lëtzebuerg ee Gala-Concert organiséiert fir a Présenz vum Auteur deen 100jäerege Gebuurtsdag vum Pol Albrecht offiziell ze feieren. De Groussherzog Jean an d’Groussherzogin Josephine-Charlotte wore bei dëser Feier derbäi an um Programm vun eiser Militärmusek stonge nëmme Wierker vum Auteur.
[Änneren] Säi Wierk
Den Pol Albrecht ass den Auteur vu ville Kompositiounen . Hien huet e ganz variéiert Wierk hannerlooss:
[Änneren] Operetten
- De Klautjen vun Itzeg
- Siwebueren
- Blanne Manöwer; Musek: Pol Albrecht, Text: Josy Imdahl
- D'Léiwt op Ëmweeën; Musek: Pol Albrecht, Text: Camille Pauly
- Tëschent zwee Feier; Musek: Pol Albrecht, Text: Willy,
[Änneren] Märsch
- G.-D, Marie-Adeläide-Marsch
- De Lëtzebuerger Léif
- D'Zaldote kommen
- Lëtzebuerger Zaldotelidder
- Groussherzogins Gebuertsdag
- Lëtzebuerg de Lëtzebuerger
- Marche de la Cavallerie Luxembourgeoise
- Marche de la Gendarmerie Luxembourgeoise
- Marche de l'Armée Luxembourgeoise
- Marche de Parade
- Marche des Ex-Militaires Luxbg.
- Ons Jongen
- Prince Félix
[Änneren] Ouverturen
- L'Espérance
- Ouverture de la Libération
[Änneren] Potpourriën
- Lëtzebuerger Lidder
- Potpourri de Noël
- Lëtzebuerger Mammelidder (PolAlbrecht/Reinert)
[Änneren] Lidderbuch
- 1921 huet de Pol Albrecht am Verlag Guillaume Stomps, Successeur Michel Hülsemann, zu Lëtzebuerg dat éischt „Lëtzebuerger Zaldôte-Lidderbuch“ erausgin
[Änneren] Verschiddenes
- 2 Massen , Kiirchelidder an Kouermusek
- Musek zu iwwert 20 lëtzebuerger Theaterstécker
[Änneren] Literatur
- Blasen, Léon: Lëtzebuerger Komponisten, 1988, Erausginn vun der Lëtzebuerger Stadmusek
