Johanna Weirich
Vu Wikipedia, der fräier Enzyklopedie.
D'Johanna Weirich, gebuer den 28. Februar 1981 an der Stad Lëtzebuerg, ass eng lëtzebuergesch Geiespillerin.
Si huet déi éischt zwee Schouljoren an der Waldorfschoul zu Bochum-Langendreer gemaach. D'Johanna Weirich huet d'Première an der Stad am Kolléisch gemaach, op der Sektioun Musek, F, ënnert der Leedung vum Jean Schumacher.
Mat 4 Joer huet d'Johanna bei senger Mamm Piano a Flütt geléiert. Mat 8 Joer huet si mam Geiespill ugefaangen.
Inhaltsverzeechnis |
[Änneren] Geiestudium
E puer Joer méi spéit schléisst d'Johanna Weirich hire Geiestudium zu Lëtzebuerg of mam "Premier Prix" a "Prix Supérieur" am Staadter Conservatoire, an der Klass vum Vania Lecuit. Si huet och den Diplom "Méthodologie" an der Klass vum Claude Krier gemaach.
D'Johanna Weirich huet duerno 4 Joer um Conservatorium Maastricht an der Klass vum polnesche Meeschter Robert Szreder Gei studéiert. Si huet souwuel d'kënschtleresch "Reifeprüfung" bestaanen wéi och den Ofschloss am "Dozierende Musikus".
[Änneren] Optrëtt als Kënschtlerin
An de Vakanzen huet d'Johanna sech Suen als Stroossemusekerin verdéngt. Zënter 1997 trëtt si op der Bühn op.
Hiren Début huet d'Johanna ënner der Regie vum Bob Flammang (Groupe de pantomime : M.I.R.) zu Dikrech gemaach an der Bühneninszenéierung vum Gerhart Hauptmann sengem Stéck: Die Weber.
Zënter dem Joer 2001 trëtt d'Johanna reegelméisseg als Orchestermusikerin op, z.B. am lëtzebuergëschen Orchester: "Ensemble Modern Baroque".
D'Johanna Weirich huet och am "Orchestre Saar-Lor-Lux" mattgespillt, zesumme mam Ensemble Vocal du Luxembourg a mat der Opernsängerin Mariette Kemmer.
Am Orchester: "Estro Armonico" spillt d'Johanna Weirich déi éischt Gei. Dësen Orchester trëtt am ganze Land matt lëtzebuergësche Choralen op.
Der Johanna hir Virléift gëllt der barocker Musek.
"Just Born", hiren neie Quartett, beméit sech usprochsvoll "populär" Musek ze spillen. Hiren éischten Optrëtt war am Mäerz 2007 zu Miersch ënnert dem Rosch Mirkes sengen "S'écouter pour mieux s'entendre" - Museksmatinéeen.
[Änneren] Ausland
D'Johanna Weirich huet:
- zu Lissabon a Radiosopnahmen gespillt,
- a Polen u Meeschtercoursen deelgeholl,
- zu Maastricht, zesumme mam Tanja Werner, um "Island Festival" gespillt,
- zu Maastricht am Ensemble "Les Goûts Réunis" (1992 gegrënnt) matgespillt,
- zu Maastricht am Ensemble "ARKA" matgespillt,
- zu Rouen, an der Normandie, mam "Konservatorium Maastricht Orchestra" gespillt.
[Änneren] Beruff
D'Johanna Weirich ass diploméiert Geieprofessorin a gëtt Coursen zu Wolz an der "École de Musique Régionale".
Am Moment bilt d'Johanna Weirich sech nach an der Orchesterdirektioun weider.
