Martialis

E Vicipaedia

Marcus Valerius Martialis fuit Romanus epigrammatum auctor.

Index

1 Vita et opera
2 Opera
3 Vide etiam
4 Exempla
5 Nota
6 Fontes
7 Nexus externi

[recensere] Vita et opera

Natus est anno anno 40 p.C.n. Bilbili, in Hispania; mortuus ibidem circa annum 103. Pauca de sua vita innotuerunt, praeter quod Hispaniam patriam habuit ibidemque obiit. Venit Romam ut causas ageret anno 64, sed ad poesin iam primo se adplicuit. In Urbe maiorem partem vitae degit, Domitianum principem aliosque viros claros carmina dedicans, sicut et Statius, cum quo rivalitatem egit. Praecipue coluit amicos scriptores Stellam, Silium Italicum, Quintilianum, Iuvenalem, et Plinium Minorem. Ingenium autem et arta res (ut videtur) ad saturam eum converterunt. Scripsit quindecim libros "epigrammatum" acri ingenio, quibus vitia hominum et temporum suorum vehementer derisit. Mortuo autem Domitiano, cum nihil amplius sibi Romam parare vidisset, proposito facto revertendi Bilbilin, accepit dono villulam in eo vico sitam, a Marcella, matrona quadam Hispana, qui poetam colebat. Anno igitur 98 reditum in patriam fecit. Plinius in litteris suis testimonium de vita poetae cum nuntio funebri paulo post mortem posteritati delegavit.^[1]

Martialis epigrammata plurimis poetis fuerunt exemplo: in iis Francisco Quevedo, Emmanuele Barbosa Bocaginense, et Iohanni Wolfgango Goethe. Haec epigrammata, plerumque breviora, quippe quae distichon unum complectuntur, saepe discuntur a discipulis linguae Latinae in scholis, propter eorum brevitatem, facilitatem, et salem.

[recensere] Opera

Liber spectaculorum
Epigrammaton libri 14, quorum
- Liber 13 sive Xenia
- Liber 14 sive Apophoreta

[recensere] Vide etiam

[recensere] Exempla

Nuper erat medicus, nunc est vispillo Diaulus: quod vispillo facit, fecerat et medicus. (Epigramma 1,47)
Vindemiarum non ubique proventus cessavit, Ovidi; pluvia profuit grandis. Centum Coranus amphoras aquae fecit. (Epigramma 9,98)