Llyfrgell Brydeinig
Oddi ar Wicipedia
Llyfrgell genedlaethol y Deyrnas Unedig ydy'r Llyfrgell Brydeinig. Lleolir y llyfrgell yn Llundain, mae'n un o lyfrgellau ymchwil pwysica'r byd, mae'n dal drost 150 miliwn o eitemau ym mhob iaith a fformat; llyfrau, newyddiaduron, papurau newydd, cylchgronnau, recordiau sain a cherddoriaeth, breinleni, basau data, mapiau, stampiau, argraffiadau, darluniau a llawer mwy, gan ei wneud yn gasgliad mwya'r byd. Mae casgliadau'r llyfrgell yn cynnwys tua 25 miliwn o lyfrau,[1] ynghyd a casgliad ychwanegol o lawysgrifau sylweddol ac eitemau hanesyddol yn dyddio'n ôl i 300CC.
[golygu] Llawysgrifau Cymraeg
Cedwir sawl llawysgrif Gymraeg yn y Llyfrgell Brydeinig. Gwaddolwyd y rhan fwyaf ohonynt i'r llyfrgell gan y Gwyneddigion yn hanner cyntaf y 19eg ganrif, yn y dyddiau cyn sefydlu Llyfrgell Genedlaethol Cymru. Maent yn cynnwys casgliadau'r Morysiaid, yn cynnwys rhai yn llaw Lewis Morris ei hun, ac eraill a gasglwyd gan Owain Myfyr ac aelodau eraill o'r gymdeithas, sy'n cynnwys sawl llawysgrif ganoloesol hefyd.
