MediaWiki
Un article de Wikipèdia, l'enciclopèdia liura.
| Mediawiki | |
|---|---|
 Lògo de Mediawiki
|
|
| Desvolopaire | Wikimedia |
| Darrièra version | 1.5.6 (lo 19 de genièr de 2006) |
| Environament | Multi-plataforma |
| Tipe | Wiki |
| Licéncia | GPL |
| Sit web | www.mediawiki.org |
MediaWiki es un logicial wiki escrich en PHP, creat per Magnus Manske. Inicialament desvolopat per Wikipèdia, es utilizat dempuèi 2002 sus aquesta enciclopèdia, mas tanben sus d'autres projèctes coma lo Wikiccionari, Wikisource, Wikilibre o Wikiquote. Es tanben de mai en mai utilizat sus de sits independents de Wikimedia (Wikitravel e autres, veire los ligams).
MediaWiki inclutz de foncionalitats especificas a l'enciclopèdia, coma per exemple la gestion dels espacis de nom, la distincion entre las paginas de contengut enciclopedic e las paginas de discussion associadas,...
Somari |
[Modificar] Istoric
MediaWiki foguèt a l'origina especialament escrich per Wikipèdia per l'estudiant e desvolopaire alemand Magnus Manske. Wikipèdia utilizava abans lo logicial UseModWiki (conegut jol nom de « Fasa I »). Lo basculament vèrs Mediawiki (« Fasa II ») aguèt lòc lo 25 de genièr de 2002 (aqueste jorn es de còps designat coma lo jorn de Magnus Manske pels wikipedians).
Al mièg de 2002, lo logicial es estat tornarmai escrich e melhorat (« Fasa III »). Es a partir d'aquesta basa establa qu'un desvolopament incremental s'es organizat per arribar a las versions actualas.
Al mièg de l'an 2003, lo programa — fins alara anonim — es batejat MediaWiki e de publicacions regularas començan d'èstre fachas pels non-utilizaires de Wikipèdia. Aqueste nom es estat causit per far un jòc de mòt amb la fondacion Wikimedia, l'organizacion maire de Wikipèdia ; çaquelà, de còps es criticat per sa semblança tròp granda amb Wikimedia, que causa de còps de confusions demest los non-iniciats del projècte.
[Modificar] Version 1.4
MediaWiki 1.4 es la version establa actuala, qu'es estada publicada lo 20 de març de 2005. Aquesta version es actualament mantenguda per Brion Vibber. Per aquesta version 1.4 lo còdi es estat netejat, afin d'accelerar lo compliment de certans prètzfaches. Lo lengatge de l’interfàcia pòt èstre causit per l'utilizaire, rendent los projèctes comuns (coma Wikimedia Commons) mai accessibles.
Un esfòrç es estat fach per optimizar l'espaci disc utilizat. Atal, dempuèi MediaWiki 1.4, la compression gzip emplegada per estocar lo tèxt redutz d'environ 15 % l’espaci necessari. Aquesta compression es pas realizada a cada revision, çò que permet d'estalviar un pauc mai d'espaci.
[Modificar] Version 1.5
MediaWiki 1.5 prolonga los cambiaments arquitecturals començats amb la version 1.4. Son cambiament mai notable de l'esquèma de basa de donadas consistís a decoplar completament l'estocatge del tèxt e l'evolucion de las versions de l'article. Aquestas modificacions deurián permetre d'aumentar la velocitat de mai d'una operacion coma lo desplaçament de pagina o la produccion de l'istoric d'una pagina.
Lo supòrt dels imatges es estat espandit als imatges vectorials SVG. Aquestes son convertits per MediaWiki en imatges PNG per una mai granda compatibilitat amb los navigators Oèb actuals, qu'en fin de 2005 son fòrça rars a prendre en carga d'un biais natiu l'especificacion d'imatge del W3C. Las paginas descrivent los imatges afichan d'ara enlà las metadonadass al format Exif contengut dins cèrts formats d'imatge.
[Modificar] Version 1.6
La version 1.6, en desvolopament, es ja utilizada suls sits de la fondacion Wikimedia, inclusent la Wikipèdia occitanofòna.
[Modificar] Veire tanben
[Modificar] Articles connèxes
- La fondacion Wikimedia ;
- Wikipèdia.
[Modificar] Ligams extèrnes
- (en) Lo projècte sus SourceForge
- (en) MediaWiki sul sit meta de la fondacion
- Manual de MediaWiki en anglés e francés
- Qualques sits foncionant amb MediaWiki
