Jorge Cafrune

Un article de Wikipèdia, l'enciclopèdia liura.

Jorge Cafrune (província de Jujuy, lo 8 d’agost de 1937 – Província de Buenos Aires, 1 de heurèr de 1978) que ho un guitarrista e un deus cantaires de folclòr argentins deus mei importants.

Que vadó dens ua proprietat de la província de Jujuy, e que he los estudis segondaris dens la vila de San Salvador de Jujuy on e comcè tanben d’estudiar la guitarra. Arron, que s’intsallè a Salta on, dab Luis Alberto Valdéz, Tomás Alberto Campos y Gilberto Vaca, e formè lo son purmèr group aperat: Las Voces de Huayra dab lo qau b’enregistrè lo son purmèr disc.

Que hen ua virada dab Ariel Ramírez abans de se dessaparar per’mor deu servici militar. Entà respóner a un navèth envit de Ramírez, Cafrune que formè un grop nau : los famós Cantores del Alba abans de perseguir sol la soa carrièra.

En 1962 qu’arrecevè lo prèmi purmèra revelacion a la hestejada de Quosquín, referéncia peu la musica folclorica argentina. En 1965 qu’i presentè la cantaira Mercédez Sosa qui vadore plan famosa.

Las soa carrièra arron que ho marcada per un hèish de virada. Au retorn deu Estats Units, e en plena dictadura militara, que decidí de puja de Buenos Aires a Yapeyú, la ciutat nadau deu generau José de San Martín entà y deishar un pauc de tèrra de Bolònha de Mar en aumatge au generau liberator de la republica argentina. La personalitat deu cantaire, lo son mitan, la soa òbra e aqueth quite darrèr projècte que podevan de segur contar suber ua grana ostilitat deu regim militar. Durant lo vitatge, Jorge Cafrune que’s morí a chivau. Oficiaument, que ho per’mor d’un accident dab un camion ; aquesta version qu’ei contestada peus qui sostienen que ho un murtre.