Femèla
Un article de Wikipèdia, l'enciclopèdia liura.
En zoologia, una femèla es un animal apartenent al sèxe femèla, caracterizat per la produccion d'ovuls que permeton la reproduccion de l'espècia, e, sovent, per la gestacion. L'ovul, produch per l'ovari, se transformant, aprèp fecondacion per un espermatozoïde produch per un individú mascle, en embrion que balharà naissença a un jove dirèctament (en passant de còps per un estadi larvari) çò las espècias viviparas o per l'intermediaro d'un uòu ponut çò las espècias oviparas. Cal notar que per cèrtas espècias, notament los peisses, la fecondacion se fa dins lo mitan ambiant, los uòus fecondats son pas portats per la femèla.
En occitan, au contrari d'autres lengas coma l'anglés o l'italian, lo tèrme (en tant que substantiu) s'aplica pas a l'espècia umana, senon dins un sens pejoratiu.
Per las espècias animalas mai familiaras, lo mascle e la femèla son sovent designats per de noms distinctes : atal, avèm la vaca e lo taure, la truèja e lo vèrret, la feda e lo marran , la galina e lo gal, etc. Per las espècias mens familiaras s'utiliza los adjectius « mascle » e « femèla » per distinguir los dos sèxes ; exemple una talpa masle o femèla, un eriç mascle o femèla, lo nom de l'espècia podent èsser de genre masculin o feminin.
'Femèla en tant qu'adjectiu caracteriza los organs e las foncions ligats a la reproduccion e al sèxe femèla. Es utilizada tant en zoologia coma en botanica.
