Club Atlético River Plate
Un article de Wikipèdia, l'enciclopèdia liura.
Lo Club Atlético River Plate (tanben aperat mei simplament River Plate o River) qu'ei ua equipa de fotbòl de Buenos Aires mei que centenària puish que ho fondada lo 25 de mai de 1901. Qu'ei l'equipa de fotbòl qui's ganhè la mei grana quantitat de campionats d'Argentina durant lo sègle XX au punt d'estar designada "campion deu sègle" (vadut "campion deu milèni dens las bocas deus sons suportaris) peu gran jornau esportiu argentin El Gráfico.
La soa rivalitat dab lo Club Atlético Boca Junior qu'ei lo principau conflicte esportiu deu fotbòl argentin.
[Modificar] Simbèus e chafres
Lo nom River Plate (arriu de l'argent en occitan) que ven d'ua mau traduccion deu castelhan Rio de la Plata a l'anglés. Rio de la Plata que se tradusirér normalament Silver River en anglés. River Plate que significa en realitat Riu Sièta.
Lo club qu'ei chafrat lo "milionari" (millonarios en castelhan - e los sons suportaris que son donc chafrats los "milionaris" - millonaros en castelhan-) despuish qui despenè granas somas de dinèrs entà har l'aquesida d'un deus son gran jogadors Bernabé Ferreira. A despart de "milionaris", los suportaris de River Plate que son tanben aperats las "garias".
Las colors deu club que son, despuish la soa fondacion blanc dab ua benda arroia (e los club qu'ei donc tanben designat com la "Benda arroia" - Banda roja en castelhan - ) representats sus la banèra e l'escut deu club. La benda arroia qu'ei tanben presenta sus la camiseta deu club a maugrat qui lo jogadors de River Plate be pòrtin tanben ua camiseta arroia e negra quan jogan en çò d'eth dab ua equipa de medishas colors. A còps tanben, lo culb que joga dab ua camiseta vrioleta
Lo son estadi qu'ei l'Estadi Monumentau Antonio Vespucio Liberti (generaument designat com lo Monumentau - en castelha : el Monumental), on e's joguè la finau de la copa deu monde de 1978 e l'estadi lo mei gran d'argentina.
L'imne de River Plate qu'ei titolat River Plate tu grato nombre e que's canta suber la musica de la marcha militara anglosaxona It's a long way to Tipperary.
[Modificar] Jogadors istorics
- Carlos Peucelle
- Bernabé Ferreyra
- Adolfo Pedernera
- Alfredo di Stéfano
- Omar Sívori
- La Màquina
- Félix Loustau
- Angel Labruna
- Juan Carlos Muñoz
- José Manuel Moreno
- Adolfo Pedernera
- Leopoldo Jacinto Luque
- Daniel Passarella
- Ubaldo Fillol
- Norberto Alonso
- Ramón Díaz
- Américo Gallego
- Sergio Goycochea
- Enzo Francescoli
- Roberto Ayala
- Germán Burgos
- Hernán Crespo
- Ariel Ortega
- Marcelo Salas
- Eduardo Coudet
- Marcelo Gallardo
- Diego Buonanotte
