Atahualpa Yupanqui
Un article de Wikipèdia, l'enciclopèdia liura.
Héctor Roberto Chavero (Pergamino, Província de Buenos Aires, lo 22 de gener de 1908 - Nimes, lo 23 de mai de 1992) , deu son nom d'artiste Atahualpa Yupanqui que ho un deus cantors e un guitarriste de folclòr argentin deus màgers.
Que vadó dens la província de Buenos Aires d'un pair originari de la província de Santiago del Estero (qui èra cap de gara) e de sang india e d'ua mair d'origina basca. A partir deus sheis ans, qu'aprengó a jogar de la guitarra e deu vriulon. Que comencè per practicar un sarròt de nestièr abans de viatjar e de víver de la musica.
En 1950 que viatjè a França on Édith Piaf que'u presentè au teatre Athéné de París. Aquesta tempora parisenca que lancè la soa carrièra dens tota Euròpa e que'u dè lo parat de har la conesheiça de Louis Aragon, Paul Éluard, Pablo Picasso e Rafael Alberti.
Dens las soa composicions qu'empleguè dirverses ritmes tradicionaus argentins com : la milonga, la chacarera, la vidala, la zamba e la baguala. Quauques uas de las òbras qu'interprtava qu'èran comausadas per Paule Antoinette Pepin Fitzpatrick, la soa molher, pianista e compositriz canadenca.
Atahualpa Yupanqui qu'ei mort a Nimes. Las soas restas que hon sepelidas en Argentina com ac avèva demandat.