Jules Krüger
Vu Wikipedia, der fräier Enzyklopedie.
De Jules Krüger gebuer de 27. Mäerz 1899 zu Lëtzebuerg a gestuerwen den 31. Mee 1976 war e Komponist.
Hie studéiert Gei, Piano an Harmonie am Conservatoire vu Lëtzebuerg. 1916 setzt hie seng Studie fort zu Léck, vrun allem an der Klass vun dem berühmte Violonist Mathieu Crickboom. Mat 18 Joer kritt hien "un premier prix à l’unanimité et avec distinction".
An den zwanzeger Joren installéiert hie sech zu Bréissel. Hien erkennt de Genie vun: Debussy, Ravel, Dukas, Prokofiev a Stravinsky. De Jules Krüger spillt Gei an der 'Société des Concerts populaires'. Géint 1927 léiert de Krüger seng zoukënfteg Fra kennen: d'Violonistin Julie Ladrière.
1929 kënnt hien op Lëtzebuerg zréck. Hien dirigéiert d’Harmonie municipale vu Réimech, dann déi vu Keel an Déiferdeng. 1933 gëtt hie Violinprof an der Museksschoul vun Esch. Do grënnt hien och de "Quatuor luxembourgeois". 1947 kënnt hien an de Conservatoire vun der Stad Lëtzebuerg. Hien ass Matbegrënner vum "Quatuor à clavier de Luxembourg". An dem Buch iwwert de Centenaire vum Conservatoire schreift de Guy Jourdain un musicien averti et très bon pédagogue dont le souvenir restera longtemps vivant au conservatoire. Och no senger Pensioun 1966 léiert de Jules Krüger weider Gei als chargé de cours bis de 15. Juli 1973.
Nieft senge pädagogeschen Aktivitéiten këmmert hie sech och ëm d'Kammermusek. No sengem "Quatuor luxembourgeois" (1933-1940), gëtt de "Quatuor à clavier de Luxembourg" (1947-1963) eng musikalesch Dréischeif fir Lëtzebuerg.
De Komponist Jules Krüger war d'éischt vum César Franck beaflosst, duerno huet hien säin eegene Stil an de Variatioune fonnt.
De Léon Blasen nennt d'Variatiounen iwwer dem Michel Lentz seng 'D’Margréitchen', de 'Mouvement symphonique', mat där de Jules Krüger den éischte Präis an der Kompositioun 1963 kritt. 1948 schreift de Jules Krüger d'Suite picturale'.
De Jules Krüger huet eis eng Oper gelooss déi nach ëmmer op hir éischt Opféierung waart. An de 50-er Joren huet den Henri Pensis Auszich aus der 'Melusina' mat der Hëllef vum Fernand Koenig a Camillo Felgen enregistréiert, mee eng Theateropféierong feelt nach ëmmer.
Den 31. Mee 1976 stierft de Komponist. Den Weg gebahnt zu haben von lokalen Volksweisen bis zur Musik mit großem Orchester, bleibt sein Nationalverdienst, seet säi Frënd, den Architekt Camille Frieden. Krüger bleift ee Musiker dee verdéngt datt hien (erëm)-entdeckt gëtt.
Inhaltsverzeechnis |
[Änneren] Wierker
[Änneren] Symphonien
- Cortège (pour orchestre symphonique)
- Berceuse (pour orchestre symphonique)
- Variations sur la chanson d'Margréitchen
- Lëtzebuerg, ouverture avec choeur final
- Variations sur la chanson "Dräi Faarwen"
- Cinq Préludes pour le "Summerdram" (Marcel Reuland)
- Andante (pour orchestre symphonique)
- Prélude (pour orchestre à cordes)
- Suite picturale en quatre mouvements (pour orchestre symphonique)
- Musique pour orchestre sur un thème populaire
- Suite en 12 numéros du drame lyrique "Melusina"
- Poème pour violon et orchestre
- Mouvement symphonique
[Änneren] Oper
Melusina
[Änneren] Kammermusek
- 6 préludes pour piano
- Petite musique facile pour 4 violons
- Duo en 4 mouvements pour 2 violons
- 7 préludes pour violon et piano
- 3 pièces pour quatuor à cordes
- Quatuor pour flùte, hautbois, et 2 violons
- "Rêverie" pour quintetteà cordes
- Préludes pour quintette de clarinettes
- Prélude pour flûte, hautbois et basson
- "Berceuse" pour quatuor à cordes
- "Vun alle Blummen"pour quintete à cordes
- Prélude et fugue pour quatuor à cordes
[Änneren] Musique vocale
- Gondellied
- Aus mengem Lidderbuch
- Deng Aen
- Vous m'avez dit tel soir
- Vun alle Blummen
- Héich steet eng Fiels
- Caballero
- Wichtelcher
- Millchen, dipp, dipp, dapp
- En zappelecht Vollék
3D'Eisleker Hamm
- Du klenge Fenkelstier
- Hieschen
- Mir hausen dagsiwwer am Bësch
- De Weissert
[Änneren] Oeuvres pour Orchestre d'Harmonie
- Tempo di Menuetto
- BBC-Marche
- Renouveau, Marche de Procession
- Contrastes
- Pièce brève
- Holiday
- Mélancolie
- Souvenir de Mondorf
- Arrangement de la Suite pastorale de Victor Vreuls
- Arrangement de l'Andante du quatuor à cordes op. 60 de Brahms
"L'oeuvre de Jules Krüger ne mérite pas l'oubli: Il constitue à bien des égards une des bases les plus solides du patrimoine musical luxembourgeois" (Loll Weber)
[Änneren] Quell
- Marc Jeck (Pizzicato 06/06)
- Loll Weber: Un musicien luxembourgeois oublié, dans: Nos Cahiers 1982/3
