Wicipedia:Canllawiau iaith

Oddi ar Wicipedia

Canllawiau ac adnoddau ysgrifennu yn Gymraeg ar gyfer Wicipedia.

Pwrpas y canllawiau iaith yw casglu cyngor ac argymhellion ar ysgrifennu Cymraeg cywir er lles cyfranwyr a golygyddion Wicipedia. Crynhoir nodiadau a chynghorion sydd eisoes wedi eu trafod ar Wicipedia ac sydd o ddiddordeb parhaol. Mae hwn hefyd yn gyfle i’r rhai hynny sydd wedi astudio’r Gymraeg rannu eu gwybodaeth â’r rhai ohonom nad ydym wedi astudio'r Gymraeg.

Os cwyd cwestiwn ar fater o arfer iaith mae'r dudalen cymorth iaith ar gael i drafod y cwestiwn.

Gweler hefyd y dudalen ar arddull Wicipedia sy'n cynnwys argymhellion ar arddull Cymraeg addas at ddibenion Wicipedia.

Taflen Cynnwys 1 Nodiadau gramadeg 1.1 Byrfoddau 1.1.1 Cyfeiriadau map 1.1.2 Trefnolion 1.2 Morffoleg y Gymraeg 1.2.1 Marw 1.3 Cystrawen y Gymraeg 1.3.1 John Smith was a rugby player from Cardiff 1.3.2 O a materion cysylltiedig 1.3.2.1 O a theitlau pobl 1.4 Enwau ar bobloedd 1.5 Defnydd Cymreig, Cymraeg, Cymro 2 Adnoddau iaith 2.1 Gramadegau 2.2 Geiriaduron 2.3 Termiaduron yn y sector gyhoeddus 2.4 Bathu a safoni termau 2.5 Idiomau Cymraeg 2.6 Arall

[golygu] Nodiadau gramadeg

[golygu] Byrfoddau

[golygu] Cyfeiriadau map

• Gogledd -- G
• De -- D
• Gorllewin -- Gn
• Dwyrain -- Dn

[golygu] Trefnolion

Y system ugeiniol a ddefnyddir ar gyfer y trefnolion Cymraeg. Mae'r gramadegwyr a'r golygyddion at ei gilydd yn argymell ysgrifennu'r trefnolion yn llawn. Ond os am ddefnyddio byrfodd ar gyfer y trefnol yna defnyddir llythrennau diwethaf y rhan o'r rhif sy'n llai na chant, e.e. 131ain, sef yr unfed ar ddeg ar hugain wedi'r cant.

Byrfodd	Trefnol	Byrfodd	Trefnol
1af	cyntaf	11eg	unfed ar ddeg
2il	ail	12fed	deuddegfed
3ydd/3edd	trydydd/trydedd	13eg	trydydd/trydedd ar ddeg
4ydd/4edd	pedwerydd/pedwaredd	14eg	pedwerydd/pedwaredd ar ddeg
5ed	pumed	15fed	pymthegfed
6ed	chweched	16eg	unfed ar bymtheg
7fed	seithfed	17eg	ail ar bymtheg
8fed	wythfed	18fed	deunawfed
9fed	nawfed	19eg	pedwerydd/pedwaredd ar bymtheg
10fed	degfed	20fed	ugeinfed
37ain	ail ar bymtheg ar hugain	50fed	hanner canfed
157ain	ail ar bymtheg a deugain wedi'r cant	160fed	trigeinfed wedi'r cant
1277ain	ail ar bymtheg a thrigain wedi'r fil a dau gant	1280fed	pedwar ugeinfed wedi'r fil a dau gant
1,000,000fed	miliynfed

[golygu] Morffoleg y Gymraeg

[golygu] Marw

Sylwer nad oes ffurf gryno o'r amser gorffennol o'r ferf marw yn yr iaith safonol. Ni ellir dweud Marwodd ***** ddydd Iau diwethaf. Dylid dweud Bu ****** farw ddydd Iau diwethaf neu Bu farw ****** ddydd Iau diwethaf.

[golygu] Cystrawen y Gymraeg

[golygu] John Smith was a rugby player from Cardiff

Mae gan ddysgwyr dueddiad i gyfieithu brawddeg fel "John Smith was an author from Cardiff" yn llythrennol e.e. "John Smith oedd nofelydd o Gaerdydd". Mae hyn yn gwbwl estron i'r Gymraeg. Yr hyn ddylid ei ddweud yw "Nofelydd o Gaerdydd oedd John Smith" neu "Roedd John Smith o Gaerdydd yn nofelydd".

[golygu] O a materion cysylltiedig

Defnyddir yr arddodiad 'o' i gyfleu (ymhlith pethau eraill):

1. symudiad oddi wrth rhywle - enw + o + lle, e.e. ymfudodd Dafydd o Gymru i America.
2. man cychwyn neu darddiad - enw + o + lle, e.e. Sieffre o Fynwy, Catherine o Aragon, Gwilym o Normandi.
3. nifer - nifer + o + enw, e.e. llwyth o orennau.

Ystyr yr ymadrodd 'brenin o Ffrainc' yn Saesneg yw a king from France.

Cyfleir y genidol (bod rhywbeth yn perthyn i rywbeth arall) trwy osod y ddau enw ochr yn ochr, e.e. cath Mari, sef y gath sy'n perthyn i Mari (the cat of Mary). Defnyddir y genidol mewn teitl i ddisgrifio bod rhywun yn frenin, dyweder, ar rhywle (king of somewhere), e.e. brenin Lloegr, Archesgob Caergaint.

[golygu] O a theitlau pobl

Defnyddir y ffurfiau 'y brenin Arthur', 'yr Archesgob Williams', 'yr Arlywydd Bush' yn Gymraeg ar gyfer teitlau (lle ceir King Arthur, Archbishop Williams, President Bush yn Saesneg).

Weithiau mae angen rhoi disgrifiad manylach. Os oes angen mynegu enw a swyddogaeth a thiriogaeth yna defnyddir yr ymadrodd - enw, swyddogaeth + lle - yn Gymraeg, e.e. Elizabeth II, brenhines y DU; Bush, arlywydd UDA; Rowan Williams, archesgob Caergaint (lle ceir Queen Elizabeth II of the UK; President Bush of the USA; Archbishop Rowan Williams of Canterbury yn Saesneg).

Weithiau adnabyddir rhywun yn ôl y lle mae'n hanu ohono, e.e. William Williams Pantycelyn, Owain Glyndŵr, Catrin o'r Berain (neu Catrin o Ferain), Edward o Dŷ Efrog. Sylwer bod modd cynnwys y gair Tŷ pan fo amwyster ystyr – gallai Edward o Efrog olygu Edward sydd wedi dod o ddinas Efrog yn hytrach nag Edward sy'n perthyn i (Dŷ) Efrog (ond sylwer mai Edward, Dug Efrog yw enw ail fab Elizabeth II).

[golygu] Enwau ar bobloedd

Mae dau ffordd o ddisgrifio cenedl yn Gymraeg; e.e. i gyfleu Welsh athletes gellir dweud:

• Athletwyr o Gymry
• Athletwyr o Gymru

Mae mantais i'r ail ddewis wrth ddisgrifio pobl sy'n dod o wlad ag enw diarth neu gymhleth megis St Kitts, Ynys Ascension, h.y. athletwyr o St Kitts, athletwyr o Ynys Ascension.

Gellir hefyd ddisgrifio athletwyr sy'n dod o Gymru fel 'athletwyr Cymru' wrth gyfeirio atynt i gyd fel un grŵp. Mae'r gystrawen hon yn addas ar gyfer teitlau categorïau.

[golygu] Defnydd Cymreig, Cymraeg, Cymro

Dylid defnyddio'r gair 'Cymreig', 'Seisnig', ayb i ddisgrifio cenedligrwydd (yn perthyn i Gymru neu i genedl y Cymry) heblaw am yn achos iaith a phobl, e.e. 'gwisg Gymreig', 'y wasg Gymreig' (y wasg sy'n delio â materion Cymreig, trwy gyfrwng y Saesneg neu'r Gymraeg).

Felly mae 'pobl o dras Cymreig' yn gywir - mae Cymreig yn disgrifio 'tras'. Ond nid 'athletwr Cymreig' - 'athletwr o Gymro' yw'r ymadrodd naturiol Gymraeg. Gweler yr adran 'Enwau ar bobloedd' am ragor o wybodaeth.

Defnyddir 'Cymraeg', 'Ffrangeg', ayb i ddisgrifio iaith, e.e. 'nofel Ffrangeg' i ddisgrifio nofel a ysgrifenwyd yn y Ffrangeg, 'y wasg Gymraeg' i ddisgrifio'r wasg sy'n cyfathrebu drwy gyfrwng y Gymraeg.

[golygu] Adnoddau iaith

[golygu] Gramadegau

• Elfennau Gramadeg Cymraeg, Stephen J Williams (Gwasg Prifysgol Cymru, 1959) (ddim ar gael)
• Cywiriadur Cymraeg, Morgan D Jones (1965)
• Cystrawen y Frawddeg Gymraeg, Melvill Richards (1970) (ddim ar gael)
• Cyflwyno'r Iaith Lenyddol, Yr Uned Iaith Genedlaethol, (D. Brown a'i Feibion, 1994) - yn trafod y gwahaniaethau rhwng Cymraeg cyfoes a Chymraeg llenyddol (ddim ar gael)
• Gramadeg y Gymraeg, Peter Wynn Thomas, (Gwasg Prifysgol Cymru, 2006)
• Y Treigladur, D Geraint Lewis (Gwasg Gomer, 1993) - llyfr anhepgor, hawdd ei ddefnyddio
• Treigladau - gwefan yn rhoi crynodeb byr o'r treigladau (y wefan ar waith o hyd)

[golygu] Geiriaduron

• Geiriadur Prifysgol Cymru, 1950-2002 Gwasg Prifysgol Cymru – geiriadur llenyddol a'r mwyaf cynhwysfawr ar gyfer y Gymraeg.
• Geiriadur yr Academi, 2003, Bruce Griffiths a Dafydd Glyn Jones (goln) – geiriadur cynhwysfawr Saesneg–Cymraeg.
• Y Termiadur goln Delyth Prys, JPM Jones ac eraill (Awdurdod Cymwysterau, Cwricwlwm ac Asesu Cymru, 2006) – geiriadur Cymraeg–Saesneg a Saesneg-Cymraeg ar gyfer ysgolion hyd at oedran 19. Rhoddwyd hwn ar y we gan Ganolfan Bedwyr - Y Termiadur ar y we.
• Cysgliad (ar gryno ddisg) - gweler http://www.bangor.ac.uk/cysgliad - Cynhwysir sawl un o'r termiaduron ar y ddisg. Cynhwysir hefyd rhaglen cysill i wirio sillafu a gramadeg Cymraeg.
• Geiriadur Gomer i'r Ifanc 1994, D. Geraint Lewis, Gwasg Gomer – geiriadur Cymraeg–Cymraeg
• Y Geiriadur Mawr 2003, HM Evans a WO Thomas (goln), Gwasg Gomer - geiriadur Cymraeg-Saesneg a Saesneg-Cymraeg mewn un gyfrol
• Collins Spurrell Welsh Dictionary 1991, HarperCollins
• Cyfres Enwau Creaduriaid a Phlanhigion 1: Creaduriaid Asgwrn-Cefn, Cymdeithas Edward Llwyd (Gwasg y Lolfa, 1994)
• Geiriadur y BBC ar y we - mae hwn yn cynnig geiriadur Cymraeg-Saesneg a Saesneg-Cymraeg a hefyd gwirydd treigladau syml sy'n gwirio treiglad enw+ansoddair
• Geirfâu Berwyn Prys Jones ar wefan Cymdeithas Cyfieithwyr Cymru
• Lecsicon Saesneg-Cymraeg Mark Nodine
• Eurfa - geiriadur Kevin Donnelly yn cynnwys ffurfiau treigledig a berfol
• Cronfa enwau planhigion ar wefan Llên y Llysiau - Cymdeithas Edward Llwyd

[golygu] Termiaduron yn y sector gyhoeddus

• Cronfa Genedlaethol o Dermau gan Fwrdd yr Iaith Gymraeg
• Cronfa dermau Cynulliad Cymru
• Geirfa Tŷ'r Cwmnïau
• Kywiro - termau meddalwedd
• TERCAW - termau cyfrifiaduron ar y we, Canolfan Bedwyr
• Enwau lleoedd - Canolfan Bedwyr
• Geirfâu gwyddonol Canolfan Edward Llwyd (Prifysgol Cymru)
• Rhestr adnoddau pwnc gan gynnwys geirfâu academaidd o Ganolfan Gwasanaethau'r Gymraeg Coleg Prifysgol Cymru Aberystwyth
• Rhestr termiaduron ar wefan Canolfan Bedwyr
• TermCymru Cronfa derminoleg sy'n cael ei chynnal a'i chadw gan Wasanaeth Cyfieithu Llywodraeth Cynulliad Cymru.

[golygu] Bathu a safoni termau

• Canolfan Bedwyr
• Bwrdd yr Iaith Gymraeg
• Ceir cyngor gan Fwrdd yr Iaith Gymraeg ar sillafiad Cymraeg enwau lleoedd tramor trwy anfon e-bost at enwaulleoedd@bwrdd-yr-iaith.org.uk.

[golygu] Idiomau Cymraeg

• Y Geiriau Bach, Cennard Davies (1998)
• Poster Idiomau Cymraeg A2, Acen (2007)
• Torri'r Garw, Cennard Davies (1996)
• Geiriadur Idiomau, goln A.R. Cownie ac Wyn G. Roberts (Geiriadur Prifysgol Cymru, 2001)
• Idiomau Cymraeg: y Llyfr Cyntaf R.E. Jones, (Tŷ John Penri, 1987)
• Ail Lyfr o Idiomau Cymraeg, RE Jones, (Tŷ John Penri, 1997)
• Idiomau Ar-lein, www.learnons4c.co.uk (2008)

[golygu] Arall

• Y Thesawrws Cymraeg (Gwasg Pobl Cymru, 1993)
• Cwrs Cywirdeb Iaith, Cwmni Acen (2007)
• Y Golygiadur, Rhiannon Ifans (Cymdeithas Lyfrau Ceredigion Cyf., 2006)
• Safle we Cymdeithas Cyfieithwyr Cymru
• Orgraff yr Iaith Gymraeg Rhan I a II, gol. Ceri W Lewis (Gwasg Prifysgol Cymru, 1867 a 1989)
• Adnoddau ar-lein rhad ac am ddim ar gyfer gloywi Cymraeg - wedi eu datblygu gan Ganolfan Bedwyr