Normand

Èn årtike di Wikipedia.

lingaedjes > indo-uropeyin > italike > lingaedje d' oyi > normand

mape del Normandeye

Li normand est on lingaedje d' oyi djåzé el Normandeye (France) eyet ezès Iyes anglo-normandes.

El France li normand est ricnoxhou come onk des lingaedjes redjonås del France. Dins les iyes di Djersey eyet Guernsey, li lingaedje est ricnoxhous oficirmint, il est acsegnî dins sacwantès scoles avåla. Li djersiès eyet l' guernsiais sont ricnoxhous come lingaedjes redjonås des Iyes Britanikes dins l' cåde do Consey Britanike-Iralndès (adlé d' l' irlandès, li walès, li gayelike escôswès, li scots, li scots d' Ulster, li gayelike di l' Iye di Man eyet l' cornike).

I gn a troes ortografeyes standårdijheyes: continintåle, djersiais, guernsiais.

[candjî] Literateure

Li Djersiès Robert Wace est veyou come l' askepieu del literateure normande, å 12inme sieke.

coviete do coup d'œil purin, di 1773

On rtrove del literateure satirike ou polemike eplaideye a Rouen ezès 16inme eyet 17inme siekes, sicrîtes dins çou k' on loméve adon li parler purin.

David Ferrand (1590? - 1660) eplaida li Muse normande, ene ramexhnêye di scriaedjes do Payis d' Caux.

Le coup d’œil purin fourit eplaidî e 1773 a Rouen. Pierre Genty (1706 - 1821) î reprezinte li pårler do Perche.

Coviete di Eiou qu'i va lés trachi da Charles Lemaître, 1924

Des ôtes grands scrijheus e normand:

George Métivier (1790-1881), di Guernsey
Robert Pipon Marett (1820-1884),di Djersey
Jean Sullivan (1813-1899), di Djersey
Alfred Rossel (1841-1926), di Cherbourg
Charles Lemaître (1854-1928)
Louis Beuve (1869-1949), di Coutances
François Enault (1869-1918), do Cotentin
Maurice Le Sieutre (do Havre)
Pierre Gueroult (1890-1962)
Gabriel Benoist
Fernand Lechanteur (1910-1971).
Côtis-Capel (Albert Lohier 1915-1986, di Cherbourg)
Jehan Le Povremoyne (Ernest Coquin)

E 1968, André Dupont eplaida L'Épopée cotentine, monumint epike di 4.628 vers e normand.

Li roman Zabeth d' André Louis, rexhou e 1969, fourit l' prumî roman scrît e normand.

[candjî] Istwere

Li normand, arivé e l' Inglutere après li concwestaedje påzès Normands e 1066, a-st eritchî li lingaedje inglès avou bråmint des mots, come:

inglès < normand = walon

fashion < faichon = façon
causeway < cauchie = tchåssêye
catch < cachi = tchessî, cachî
cater < acater = atchter, acater
mug < mogue = (grande) djate

L’ anglo-normand a stî foirt lontins li lingaedje oficir e l' Inglutere.

[candjî] Croejhetes et motîs

Essai de grammaire de la langue normande, UPN, 1995, ISBN 2-9509074-0-7
V'n-ous d'aveu mei? UPN, 1984
La Normandie dialectale, 1999, ISBN 2-8413307-6-1
Alain Marie, Les auteurs patoisants du Calvados, 2005, ISBN 2-84706-178-9
Roger Jean Lebarbenchon, Les Falaises de la Hague, 1991, ISBN 2-950588-0-9
Jean-Louis Vaneille, Les patoisants bas-normands, n.d., Saint-Lô
André Dupont, Dictionnaire des patoisants du Cotentin, Société d'archéologie de la Manche, Saint-Lô, 1992