Alexis Deswaef
Uit Wikipedia
Alexis Deswaef es geboren ip 20 december 1969 in Ostende, ipgegroeid in Brugge en zyn avokoatenstudies ofgewirkt in 't Frans. Verliefd gevollen ip êentje van Brussle en in 2006 oat ie dr'ol vuuf gastjes (Vier meisjtjes en ne joungne) roundlôpen. Ondertussen komt ie 'n bitje me ne kêe bekend ounder de noame: "mensenrechten-advocoat".
[bewerkn] Olgemêen
Je liep 't schole in 't Oeze-Lieve-Vrouwecollege in Ostende tot 't derde middelboar en 't Sint-Leocollege in Brugge vô de reste van zyn humaniora.
Oattie ofstudeerde wistig'ie ol dattie moeste ipkoom'n vô de zwaksten van oeze moatschappy. In Brussle oattie gêen mezerie om de mezeriegevollen te vinden.
J'es êen van de zeldzoame avokoaten die, ondanks zyn proper kostumke en plastroeng, met ne vélo en nen 'elme Brussle deurkreust, rapper dan ol d'andre.
[bewerkn] Avokoatencarrière
Je begoste te wirken ols avocoat in Brussel in 1994.
In januoari 2006 starttige Alexis, tôpe met vuuf andre avokoaten, nen avokoatenbureau in de Vryiedswyk in 't erte van Brussle. 't Specioale an dien bureau was dazze overêenkwoamen om minstens êen zoake ip drie groatis vô niets te doene vô de klant (koadre van groaties rechtsbystand), of pro deo dus (De pro-deo, ne minimum tarief, es loater betoald deur 't ministerie van justitie). En t'es nie omdat' vô niks was, datnie marsjeerde.
Tut nu toe (2006) eittie ol, ounder andre, vô de volgende zoaken gewrocht en gepleit:
- De kroakers van de Woaterloloane ('t Batiment van de Scientology kerke)
- D'oengerstoakers van de Miniemenkerke
- D'uutgewezen Iraniërs ip de yskroane
- De Birmoanen tegen TotalFina
- Klachten tegen de stoat tegen d'arbitraire ipslutienge van minderjoarige vrimdeliengen
- Burgelyke partieën in minsensmokkelprocessen
- Daklôzen van het Centroal Statioeng in Brussle
In februoari 2007 deed Deswaef mee an nen internationoalen pleitwedstryd in de Memorial vô de rechten van de mens in Caen, Vrankryk, dat 'n ôok gewoen'n eit.
