பொருள்
கட்டற்ற கலைக்களஞ்சியமான விக்கிபீடியாவில் இருந்து.
இவ் பிரபஞ்சமும் அதில் அடங்கியுள்ள அனைத்தும் பொருள்களால் (Matter) ஆனது. பொருள் அல்லது பொருள்கள் என்ற சொல்லுக்கு பதிலாக பருப்பொருள், சடப்பொருள் ஆகிய சொற்களும் பயன்படுத்தப்படுவதுண்டு. இப்பிரபஞ்சத்தில் உள்ள பொருள்கள் அனைத்தும் 115 தனிமங்களும் அவற்றின் சேர்வைகளாலும் ஆனது. ஒவ்வொரு தனிமங்களும் வேறுபட்ட அணு கட்டமைப்பை கொண்ட அணுக்களால் ஆனது. அணுகள் இலத்திரன், புரோத்தன், நியூத்திரன் ஆகிய கூறுகளால் ஆனது. அக்கூறுகள் குவார்க் என மேலும் அடிப்படை கூறுகளால் ஆனது. இக்கூறுகளை மேலும் கீழ்மட்டமாக நோக்குகையில் அங்கு விசை அரங்கு செயல்படுகின்றது.
பொருளடக்கம் |
[தொகு] தத்துவ பின்னணி
- பொருள் என்றால் என்ன?
- சக்தி ஒரு பொருளா?
- பொருள் அல்லாத ஒன்று உண்டா?
- அப்படி இருந்தால், பொருள் அல்லாதது என்ன?
- அப்படி இருந்தால், பொருள் அல்லாத ஒன்றுக்கும் பொருளுக்கும் உள்ள தொடர்பு யாது?
- உயிர், ஆத்மா, எண்ணம் போன்ற எண்ணக்கருக்களுக்கு பின் அமைவது மூளையில் உள்ள அமிலங்களின் செயல்பாடா? அல்ல அவை பொருள் அல்லாத இருப்புக்களின் எடுத்துகாட்டுக்களா?
மேலே சுட்டப்பட்ட கேள்விகள் போன்று பிற பல கேள்விகளுக்கு விஞ்ஞானிகளும், மெஞ்ஞானிகளும் பிறரும் விடைகாண முயல்கின்றார்கள். இம்முயற்சியும், அதன் விளைவான சமய, இலக்கிய, விஞ்ஞான படைப்புகளும் பொருள் பற்றிய தத்துவ பின்னணியை குறித்து நிற்கின்றன.
[தொகு] விஞ்ஞான விளக்கம்
எதற்கு மெதுகையும் கனவளவும் இருக்கின்றதோ அது பொருள். பொருளை அணுக்களாகாவும், அணுவை அணுக்கூறுகளாகவு, அணுக்கூறுகளை விசையாகவும் பகுத்தாயலாம். பொருளும் சக்தியும் ஒன்றையே வெவ்வேறு நிலைகளில் சுட்டி நிற்கின்றன. ஐன்ஸ்ரைன் சமன்பாடு அவற்றின் ஒற்றுமை பண்பை பின்வருமாறு விளக்குகின்றது. E = mC2
- E = சத்தி
- m = பொருளின் மெதுகை
- c = ஒளியின் கதி
விஞ்ஞான நிலைப்பாட்டில் பொருள் அல்லாத ஒன்று இல்லை. அப்படி இருந்தாலுல் பொருள் அடிப்படையிலேயே அதை நாம் அறிய முடியும்.
[தொகு] நுட்பியல் சொற்கள்
- பொருள் - Matter
- மெதுகை - Mass
- தனிமம் - Element
- சேர்வை - Compound
- மூலக்கூறு - Molecule
- அணு - Atom
- இலத்திரன் - Electron
- புரோத்தன் - Proton
- நியூத்திரன் - Neutron
- குவார்க் - Quark
- விசை - Force
