Kitabu cha Esta
Kutoka Wikipedia
Kitabu cha Esta ni kitabu katika Agano la Kale, yaani Biblia ya Kiebrania. (Pia jina lake huandikwa Ester.) Mwandishi wake hajulikani.
[hariri] Wakati wa kuandikwa
Kufuatana na mapokeo ya Wayahudi, kitabu kiliandikwa takriban mwaka wa 400 KK. Kwa welekeo mkubwa kiliandikwa muda usio mrefu baada ya matukio kinayoyaeleza. Sababu za welekeo huo ni zifuatazo: Sherehe ya Purim ilikuwa husherehekewa kila mwaka wakati wa kuandikwa kwa kitabu lakini Mfalme Ahasuero hutajwa kama mfalme aliyepita. Ukamilifu wa maelezo kuhusu mila na desturi za dola la Waajemi unadokeza kuwa kitabu kimeandikwa kabla dola hilo halijavamiwa na kuangamizwa na Alexander Mkuu takriban mwaka wa 330 KK.
Tafsiri ya kitabu cha Esta inavyopatikana katika Septuaginta imeongezewa sana; maongezo hayo siyo sehemu za hadithi ya asili.
[hariri] Yaliyomo
Kitabu cha Esta kinasimulia Wayahudi walivyoishi katika dola la Waajemi. Wayahudi hao walibaki uhamishoni badala ya kurudi kwao hata baada ya kuangamizwa kwa utawala wa Babuloni na Waajemi mwaka wa 539 KK. Kwa vile Wayahudi waliendelea kufuata sheria zao za kidini walisumbuliwa sana na wenyeji. Kitabu kinaendelea kueleza hasa jinsi Hamani, waziri mkuu wa mfalme Artashasta, alivyopanga kuwaangamiza Wayahudi wote. Wakati huohuo, malkia wa Uajemi alikuwa Myahudi, msichana aliyeitwa Esta. Pamoja na Mordekai, baba mlezi wake, Esta alifaulu kuzuia mapango ya Hamani. Ushindi huo wa Wayahudi ulianzisha sherehe ya Purim ambayo imekuwa sikukuu maarufu ya Wayahudi ikiadhimishwa kabla ya Pasaka.
Mwanzo Kutoka Walawi Hesabu Kumbukumbu Yoshua Maamuzi Ruthu Samueli I Samueli II Wafalme I Wafalme II Mambo ya Nyakati I Mambo ya Nyakati II Ezra Nehemia Esta Tobit Yuditi Esta Yobu Zaburi Methali Mhubiri Wimbo Ulio Bora Isaya Yeremia Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki
