Wikipedia:Grammàtica
Di Wikipedia, la nciclupidìa lìbbira.
Ìndici |
L'Alfabbetu
| A | B | C | D | E | F | G | H | I | J | L | M | N | O | P | Q | R | S | T | U | V | Z |
| a | b | c | d | e | f | g | h | i | j | l | m | n | o | p | q | r | s | t | u | v | z |
Cunzunanti Duppricati
Ntô sicilianu cci sunnu assai paroli c'accumènzanu chî cunzunanti duppricati, ma chiddi chi si scrìvinu di sòlitu sunnu:
| cci | nni | cchiù | dda | ddi | ddu | ssa | ssi | ssu | ccà | ddòcu | ddà |
S'attròvanu puru ddi paroli chi pirderu la vucali, lassannu cunzunanti duppricati ô princìpiu di na palora, p'asèmpiu: mmeci; mmernu; nnuccenti; mmàggini; llustrari; ecc.
Artìculi
Ditirminativi:
| lu | la | li | (l') | cu l'elisioni di la l, addivèntanu: |
| u | a | i | (l') | (nnâ lingua parrata) |
Nditirminativi:
| un o nu | nu | na | (n') |
| un cavaddu | nu zìu/nu scantu | na fìmmina | n’abbitùdini |
Unu (masculinu) e una (fimmininu), sunnu usati comu nùmmari cardinali e no comu artìculi.
Pripusizzioni sèmprici
| a | cu | 'n | di | tra | pi | nna | nni | nta | ntra | senza | supra | sutta |
Sti pripusizzioni si ponnu usari puru cu l'artìculi ditirminativi:
| Pripusizzioni: | + Artìculu: lu = | + Artìculu: la = | + Artìculu: li = | + Artìculu: un = |
|---|---|---|---|---|
| a | ô | â | ê | ôn |
| cu | cû / cô | câ | chî / chê | c'un |
| di | dû / dô | dâ | dî / dê | d'un |
| pi | pû / pô | pâ | pî / pê | p'un |
| nna / nni | nnô / nnû | nnâ | nnê / nnî | nn'un |
| nta / nti | ntô / ntû | ntâ | ntê / ntî | nt'un |
| ntra | ntrô | ntrâ | ntrê | ntr'un |
Pripusizzioni cumposti
Avverbî
Di locu:
| sutta | supra | ccà | ddà | unni | ntunnu | dintra | avanti | vicinu | versu | allatu |
Di tempu:
| doppu | ora | aieri | oi | dumani | quannu | mai | mentri | nzinu |
Di quantità:
| abbastanza | picca | assai | menu | cchiù | tantu |
Di manera:
| comu | beni | accussì | nùtili | ammucciuni | diversamenti |
Àutri avverbi:
| siccomu | dunca | macari | avanti | prìmisi | mmenzu | mmeci |
Cungiunzioni
| e | puru | sparti | però | mancu | ancora | anchi | ma | pirchì | sippuru | mmeci |
L'apòstrufu
L'apòstrufu è nu signu gràficu ca si usa quannu s'ancòntranu dui vucali. Nna lu casu di eliminazzioni naturali di na vucali chi si trova a princìpiu di parola, nun è nicissariu usari l'apòstrufu, picchì, secunnu Giorgiu Piccittu anchi senza l'apòstrufu la parola si capisci lu stissu e livannu l'apòstrufu, quannu si pò, si elìminanu tutti sti signali nni la lingua scritta. Pi la stissa raggiuni, sempri secunnu Piccittu, l'apòstrofu nun s'havi mai a usari mancu nni la cuntrazzioni di l'artìculu nditirminativu picchì lu senzu è chiaru:
na nu
Nni li paroli ca accumìnzanu cu i, unni la parola perdi la i, comu dìssimu prima, l'apòstrofu nun si usa pi mustrari la pèrdita di la vucali:
Mpurtanti; Nnuccenti; Nzignanti; Ntattu; Ntisu; Mparari.
Allura putemu diri ca l'artìculi
la, lu, li e li prunomi la, lu, li, pìgghianu l'apòstrufu comu puru l'aggittivi dimustrativi ddu, dda, ddi, stu, sta, sti, ssa, ssu, ssi. Li prunomi pirsunali ti, nni, vi, e lu riflissivu si e cci ponnu puru pigghiari l'apòstrufu. Si cci si ncontra cu la a, o, u l'apòstrufu nun lu pigghia.
Àutri frasi unni l'apòstrufu si pò usari sunnu:
- C'avem'a fari = chi avemu a fari
- C'avem'a diri = chi avemu a diri
Lu gèniri
Li plurali nun rigulari
Aggittivi
Prunoma
Verbi
Lu verbu è la parti principali dû discursu. Lu verbu dici chiddu chi si fa, comu si fa, quantu si nni fa, comu si senti, chi penza e via e via di sècutu. Li verbi ponnu èssiri; rigulari, irrigulari, tranzitivi, ntranzitivi, riflissivi, difittivi, sirvili. Poi ntô sicilianu cci nn'è unu ca è ausiliari.
Li jorna e misi
- (comu vennu usati ntâ wikipedia siciliana)
Viditi puru:
Rifirimenti
- Giuseppi Pitrè, Grammatica Siciliana (1875)
- Giorgiu Piccittu, Vocabolario siciliano (circa 1950-1977)
- Arba Sicula, vulumi 4/5 (1983)
- J. K. Bonner, Introduction to Sicilian Grammar (2001)
Lijami di fora
Siti unni putiti attruvari beddi asempî dû sicilianu standard:
- Arba Sicula - n'organizzazzioni siculu-miricana assai canusciuta di tutti a'apprèzzanu la littiratura siciliana
- Pruverbi siciliani scritti pi sicilianu e ngrisi
- Na discrizzioni dâ grammàtica siciliana di Sergio Giorgi
- Tanti puemi, cunti e saggìstichi, scritti o traduciuti di Ninu Russu
- Linguasiciliana.org - nn'havi tanti matiriali diversi a rispettu dâ lingua scritta
