Bauma de Praileaitz
Un article de Wikipèdia, l'enciclopèdia liura.
Praileaitz qu'ei ua bauma situada a Deba (Guipuscoa).
Dens las catacions realizadas enter 2006 e 2007 qu'apareishè materiau nombrós atribuït au Magdalenian. Au començament d'agost de 2006, durant ua catacion arqueologica que se localizèron de divèrsas pinturas rupèstras paleolicas, consistentas a un ensems iconografic non figuratiu compausat d'ensems de punts, isolats o formant de serias. Los cercaires que cren que las pinturas estón realizadas hè 18000 ans.
[Modificar] Controvèrsia
La bauma qu'ei situada au costat de la peirèra de Sasiola, çò que supausa ua menaça per la conservacion de las pinturas. Lo 24 de mai de 2007 la Societat de Sciéncias Aranzadi que prepausè la creacion d'un airau de proteccion a l'entorn de la bauma. Lo 17 de julh de 2007, lo Govèrn Basco qu'aprovè un Decrèt (120/2007) qu'establia un airau de proteccion de 50 m a l'entorn deu "santuari" rupèstre. Aqueth nivèu de proteccion qu'estó considerat insufisent per la Societat de Sciéncias Aranzadi, encargada de la catacion arqueologica e de l'estudi de l'art rupèstre de la bauma. Lo 14 de decembre de 2007 lo Parlament Basco que demandè la paralizacion preventiva de las activitats de la peirèra e l'alargament de la zona de proteccion de la bauma. A la fin de heurèr de 2008 lo Govèrn Basco que paralisè preventivament las òbras de la peirèra entà estudiar lo possible incompliment de la Lei 22/1988 de Còstas.
