Caboche
From Wikipedia
|
Ch't' articl'ye fut c'menchie en Jèrriais
 |
La caboche ou l' chour (en Latîn: Brassica oleracea viridis) est eune lédgeunme d'la fanmil'ye Brassica
Cont'nu |
[amendaer] La caboche
Nou fait sèrvi la caboche (
kaboch) dans la tchuîsinne pouor la soupe dé caboche, dans d's êtchuîvées.
[amendaer] Manniéthes dé caboche
- caboche corlée,
corlaïe - savouaie, savouais
[amendaer] Lé chour
Lé chour ( chu) est eune manniéthe dé caboche auve eune longue tigue - un trou d'chour.
Nou donnait les fielles au bestchias pouor mangi - et bein seu, nou fouângnait du pain Jèrriais entré des fielles dé chour.
Temps pâssé les chours auve lus longs trous d'chour tchi 'taient un objet d'întéthêt pouor les vîsiteurs. Ch'tait iun des souvenirs les pus populaithes pouor les cheins tchi v'naient en Jèrri qué d'acater un bâton d'chour. Nou n'vait d'aut' les cliôsées d'chours en Jèrri coumme aut'fais - et les bâtons d'chours né sont pon c'meuns par les c'mîns. Mais ch'est acouo pôssibl'ye d'en acater.
En Angliais, les chours 'taient mênommés "long jacks".
Nou dithait qu'les p'tits faîtchieaux soulaient pendre lus malfaîteurs dé sus un trou d'chour la niet.
[amendaer] Ditons
- Quand nou dit 'Nouos couochons n'veulent pus d'chours', chenna veurt dithe qu'nou-s'est surprîns par tchiquechose tch'est hors du c'mun.
- Tchiquechose peut êt' vèrt coumme un chour, ou vèrt coumme eune fielle dé chour.
- Si nou-s' envyie tchiquechose ès chours, chenna veurt dithe qu'nou l'flianque hors.
[amendaer] Viyiz étout
- Brécolîn
- Chours d'Bruxelles
- Chou-flieur
