Avion
From Wikipedia
|
Ch't' articl'ye fut c'menchie en Jèrriais
 |
Un avion (
avioun, 
aeropleine) est un mouoyen d'transport tchi vole.
D'pis les preunmièrs jours, l's hommes ont voulu voler comme des ouaîsieaux. À c'menchi, il' êprouvitent auve d's ailes comme les cheinnes des ouaîsieaux, souvent atout des plieunmes, mais tchiques gens réalisîtent qu' ch'tait nécéssaithe d'aver un moteu ligi auve assez d'pouvé pour lus aîdgi. D's êpreuves des moteurs à stînme n'réussitent pon, mais à la fîn les fréthes Wright - des fabritcheurs d'machinne - en fîtent iun tchi lus pèrmettait d'faithe lé preunmié vol controllé. D'pis chu temps-là la technologie a fait du progrès încriyabl'ye, partitchulièthement en temps d'dgèrre.
