Ôti
From Wikipedia
ôti
Ôti
|
Ch't' articl'ye fut c'menchie en Jèrriais
|
Un ôti est dé tchi qu'nou fait sèrvi à seule fîn d'amender eune action natuthelle en la faîthant pus forte, pus finne, pus aîsie ou pus faîthabl'ye d'autcheune manniéthe.
L's ôtis prînmitifs sont des pièrres, du bouais et tout chenna qu'nou trouve d'amain pouor ag'ver chein qu'nou fait. Les preunmié ôtis des gens des touos vièrs temps 'taient d'même. Y'a d'aut's bêtes tchi font sèrvi d's ôtis d'ité. Nou soulait craithe qué ch'est raîque les gens tchi sont capabl'yes dé transformer dé tchi en ôti, mais nou-s'a r'mèrtchi des marmoûsieaux et d's ouaîsieaux à faithe des ôtis.
Les gens des touos vièrs temps êcallopîtent lé s'na d'faîchonner des pièrres à feu pouor en graie des haches, des cop'rêsses, des martchieaux, des gratt'rêsses et toutes les manniéthes d'ôti.
L'Âge dé Bronze têmouongnit l'învention d'ôtis en bronze et tchuivre et d'pis l'Âge dé Fé j'avons ieu d's ôtis en fé et en acyi.
Au jour d'aniet y'a d's ôtis êlectriques et êlectronniques.
|
Chute sectioun est merqùie en Cotentinais
|
Dé depis treis quate chents auns, l's ount démuchi que no pouovait faire d's ôtis mécanniques. Ch'est des machènes-ôti, coume lé métyi de fi, lé rouet pouor féchounaer les chiques et les ĥardes. Ch'est dauns le XIXe syiclle que des mécanniques feutent démuchies pouor l's usènes et les fabriques.*
Vechin eune tite liste d'ôtis pour lé boués et la pyire :
- balai
- battous
- bouèse
- craun
- écouvette
- éqùile
- fâocile
- fâos
- fouorque
- ĥache ; hache
- ĥouve
- marté
- pale
- raungùet
- sciard
- sciette
- sergole
- tile
Vechin en pus eune tite liste d'ôtis de cheté mort, qùi sert à la terre :
- arraque-doque
- ĥerche
- louchet
- qùérue
- pale
- raté
- trublle
