Louie Bellson
Frå Wikipedia – det frie oppslagsverket
Louie Bellson (fødd i Rock Falls, Illinois i 1924) er ein amerikansk jazztrommeslagar. Han er særleg kjend for å vere ein habil storbandmusikar, og han har spelt med fleire av dei mest kjende storbandleiarane.
Sytten år gamal byrja Bellson byrja sin profesjonelle karriere i Benny Goodman sitt storband. Etter dette gjekk han over til å spele med Tommy Dorsey, Harry James og Duke Ellington (for Ellington komponerte han mellom anna låta «Skin Deep», som er å finne på albumet Ellington Uptown). I 1952 gifta han seg med borgarrettsaktivisten og vokalisten Pearl Bailey, og vart hennar musikalske leiar.
Bellson, som eigentleg heiter Luigi Paulino Alfredo Francesco Antonio Balassoni, opptredde med stepping som liten. Han har vorte kreditert som den første som spelte med doble basstrommer (i 1938), og han forklarar sjølv denne «oppfinninga» med erfaringa frå steppinga.[1] Han har spelt inn over to hundre album, med artistar som Goodman, Dorsey, Ellington, Count Basie, Louis Armstrong, Ella Fitzgerald, Sammy Davis Jr. og Tony Bennett.
- ↑ Intervju i Modern Drummer desember 2004.
