Kosovo

Frå Wikipedia – det frie oppslagsverket

Kosova


Flagg	Riksvåpen

Offisielle språk

Albansk, Serbisk

Hovudstad

Priština

Styresett

President
Statsminister

Republikk
Fatmir Sejdiu
Hashim Thaçi

Flatevidd
- Totalt

10 887 km²

Folketal
- Estimert (2007)
- Tettleik

2 126 708
195,3/km²

Protektorat under NATO. Erklært sjølvstende
- Dato

Frå Serbia
17. februar 2008

BNP
- Totalt (2006)
- Per innbyggjar

mrd. USD (.)
USD (.)

Valuta

euro

Tidssone

UTC+1

Internasjonal telefonkode

+381

Nasjonale toppdomene

.rs/.yu

Kosovo (albansk Kosovë/Kosova, serbisk Косово и Метохија/Kosovo i Metohija) er ein delvis internasjonalt godkjent republikk i Søraust-Europa. Etter at internasjonale forhandlingar om den konstitusjonelle statusen i Kosovo ikkje vann fram, erklærte parlamentet sjølvstende frå Serbia den 17. februar 2008. Fleire land, mellom anna Noreg, USA og dei største EU-landa, Storbritannia, Tyskland, Frankrike og Italia har anerkjent Kosovo sitt sjølvstende. Serbia har støtte frå mellom anna Russland, Spania og Hellas i å rekna Kosovo som del av Serbia. Kosovo har sidan 1999 vore eit protektorat under NATO og SN-administrasjon.

Kosovo grenser til Montenegro i nordvest, til Albania i vest, Makedonia i sør og Serbia i nord og aust. Området har like over to millionar innbyggjarar, hovudsakleg etniske albanarar, men òg minoritetar av tyrkarar, serbarar, sigøynarar, goranarar og bosnjakar. Priština er hovudstad og største by.

[endre] Geografi

Fysisk kart over Kosovo.

Politisk kart over Kosovo.

Kosovo har eit areal på 10 887 km²^[1] og om lag to millionar innbyggjarar. Dei største byane er hovudstaden Priština med om lag 600 000 innbyggjarar, Prizren i sørvest med om lag 165 000 innbyggjarar, Peć i vest med 154 000 innbyggjarar og Kosovska Mitrovica i nord med 110 000 innbyggjarar. Fem andre byar har om lag 100 000 innbyggjarar.

Kosovo har eit kontinentalklima med varme somrar og kalde, snørike vintrar.

Det er to store sletter i Kosovo. Metohija ligg vest i Kosovo, og Kosovosletta ligg i aust.

Mykje av Kosovo er fjellkledd. Fjella Šar Planina ligg i sør og søraust ved grensa til Makedonia. Dette er eit av dei mest populære turistområda i Kosovo med fleire skistader og Brezovica og Prevalac som dei største turistbyane. Det høgaste fjellet i Kosovo er Đeravica på 2 656 meter over havet og ligg i sørvest på grensa til Montenegro og Albania.

Fjellet Kopaonik ligg i nord. Den sentrale regionen Drenica, Carraleva og den austlege delen av Kosovo, kalla Golak, er stort sett åslendte.

Det er fleire store elva og innsjøar i Kosovo. Dei største elvane er Kvite Drin, som munnar ut i Adriahavet, sideelva hennar Erenik, Sitnica, Morava i Golak-område og Ibar i nord. Dei største innsjøane er Gazivoda (380 millionar m³) i nordvest, Radonic (113 millionar m³) i sørvest, Batlava (40 millionar m³) og Badovac (26 millionar m³) i nordaust.

[endre] Galleri

Regjeringsbygget i Priština.	Prizren	Klosteret St. Erkeengel nær elva Bistrica.	Đakovica.
Kosovo-albansk kostyme og dansk	Nasjonalbiblioteket i Priština.	Kloster i Peć.	Kloster i Prizren.
Kosovo Polje.	«Bregu i Diellit» - kjøpesenter i Priština	Bregu i Diellit i Priština	Mor Teresa-avenyen
Grand Hotel i Priština	Priština om natta	«Xhamia e madhe» i Priština	«Mehmet Pasha» Hamam i Prizren
Ei bru over elva Drinen i Prizren	Museum i Kosovo	«Pallati i Rinisë» i Priština