Groningen

Frå Wikipedia – det frie oppslagsverket

Groningen

Martinitårnet i Groningen


Flagget til Groningen	Byvåpenet til Groningen

Plassering

Styresmakter

Land
Provinsar

Nederland
Groningen

Først nemnd i

1040

Borgarmeister

Ruud Vreeman

Geografi

Flatevidd
- By
- Land
- Vatn

83,69 km²
79,59 km²
4,10 km²

Innbyggjarar^[1]
- Totalt (2007)
- folketettleik

181 819
2 284/km²

Koordinatar

53°13′″N 6°33′″EKoordinatar: 53°13′″N 6°33′″E

Diverse annan informasjon

Nettstad: www.groningen.nl

Groningen er ein kommune og by i Nederland og administrasjonssenter i provinsen Groningen. Med om lag 180 000 innbyggjarar er han den sjuande største byen i landet og den klart største i Nord-Nederland.

[endre] Historie

Byen vart grunnlagd på det nordlegaste punktet i Hondsrug-området. Dei første skriftlege kjeldene som nemner Groningen er frå 1040. Dei første større busetnadane i området rundt Groningen er spora tilbake til 200-talet.

På 1200-talet var Groningen eit viktig handelssenter og innbyggjarane bygde bymurar. Byen hadde stor makt over dei omliggande områda og gjorde dialekten sin til det vanlege målføret i området. Den mektigaste perioden til byen var på 1400-talet då den nærliggjande provinsen Friesland vart styrt frå Groningen. I desse åra vart Martinitoren (Martinitårnet) bygd. Det hadde ei høgd på 127 meter og var den høgaste bygningen i Europa på denne tida. Byen mista sjølvstende då dei valde å støtte Det spanske riket under åttiårskrigen i 1594. Seinare byta dei sider og vart medlem av Dei sameinte Nederlanda.

I 1614 vart Universitet i Groningen grunnlagd, først berre for studiar innan teologi. I same periode utvida byen seg raskt og det vart bygd nye bymurar. Byen vart hardt råka under den tredje engelsk-nederlandske krigen i 1672 då byen vart angripe av biskopen av Münster, Bernhard von Galen. Bymurane heldt stand og hendinga vert framleis feira kvart år den 28. august.

Byen slapp ikkje like heldig unna den andre verdskrigen og i april 1945 vart særleg området rundt hovudplassen Grote Markt øydelagd. Martinitoren, kyrkja, Goudkantoor og rådhuset vart ikkje øydelagd. Slaget i byen varte i fleire dagar.