Dresden
Vun Wikipedia
Dresden (dat kummt vun'n altsorbschen „Drežďany“) is de Landshööftstadt vun Sassen un liggt in ene Moll beidersiets vun de Elv in'n Oosten vun Sassen. Dresden is ene Stadt mit bi 484.700 Inwahners.
Dresden weer fröher ene Stadt, in de vele Geböden ut dat Barock un Rokoko mit weltberöhmte Kunstwarken to finnen weern, is vundaag noch ene Industriestadt besunners mit Nahrungs- un Geneetmiddelbedrieven, Maschinen-, Apperate- un Fohrtüüchbo.
Dresden wurr an'n 13. un 14. Februar 1945 vun US-amerikaansche un engelsche Bombenflegers angrepen un to 60 % demoleert.
De Angrepen wurrn jüst to de Tiet flagen, as up de Wischen an de Elv Dusende vun Flüchtlinge ut Slesien mit Peer un Wagen ene Rast inleggt harrn. Se kemen to'n groten Deel in den Brandbombenhagel üm. De Soldaten, de domaals in Dresden-Neestsdt in de Kasernen legen, wurrn daaglang bi dat Bargen un Verbrennen vun de Lieken mit insett. Domaals weer vun 200.000 Dode de Reed. Intwüschen warrt blots noch vun 35.000 snackt.
Vun de kunstgeschichtlich bedüütsamen Geböden sünd vele wedder herstellt wurrn, to'n Bispeel de Zwinger, de Semper-Oper un de Froonkark.
