Tim nazzjonali tal-futbol ta' Malta

Minn Wikipedija, l-enċiklopedija ħielsa.

Malta

Ċampjin attwali tat-Tazza tad-Dinja

Ċampjin attwali tat-Tazza Afrikana

Ċampjin attwali tal-Kampjonat Ewropej

Ċampjin attwali tal-Copa América

Ċampjin attwali tal-CONCACAF Gold Cup

Ċampjin attwali tat-Tazza Ażjatika

Ċampjin attwali ta' l-OFC Nations Cup

Federazzjoni:

MFA

Kodiċi FIFA:

MLT

Magħrufa bħala:

Knights of St John

Kowċ:

Dušan Fitzel

Rekord preżenzi:

David Carabott (121)

Rekord gowls:

Carmel Busuttil (23)

Debutt Internazzjonali:

Malta 2 - 3 Awstrija

Gżira, Malta; 24 ta' Frar 1957

L-akbar rebħa:

Malta 7 - 1 Liechtenstein

Ta' Qali, Malta; 26 ta' Marzu 2008

L-agħar telfa:

Spanja 12 - 1 Malta

Sivilja, Spanja; 21 ta' Diċembru 1983

It-tim nazzjonali tal-futbol ta' Malta hi r-rappreżentazzjoni nazzjonali tal-futbol ta' Malta u hi mmexxija mill-Malta Football Association. L-iskwadra qatt m'avvanzat għal xi kompetizzjoni internazzjonali ta' livell għoli u sa Ottubru ta' l-2006 l-iskwadra rebħet biss erba' logħbiet kompetittivi. L-ewwel żewġ rebħiet kienu rebħiet ta' 2-0 u 2-1 ġewwa darhom kontra l-Greċja u l-Iżlanda fil-kwalifikazzjonijiet tal-Kampjonati Ewropej fl-1975 u l-1982 rispettivament, u t-tielet waħda kienet rebħa ta' 1-0 kontra l-Estonja fil-kwalifikazzjoni għat-Tazza tad-Dinja fl-1993.

Fil-11 ta' Ottubru 2006, Malta rnexxiela tikseb ir-raba' rebħa kompetittiva - rebħa ta' 2-1 kontra l-Ungerija fil-kwalifikazzjonijiet tal-Kampjonati Ewropej 2008 b'Andre Schembri jiskorja darbtejn. Riżultati oħra mportanti huma żewġ pari, 1-1 u 2-2, kontra l-Ungerija waqt il-kwalifikazzjonijiet għat-Tazza tad-Dinja 1990.

Matul l-2005, Malta rnexxiela tikseb riżultati pożittivi. Żewġ pari ta' 1-1 kontra l-Kroazja u l-Bulgarija. Riżultat ieħor pożittiv kien il-pari ta' 1-1 ġewwa darhom kontra l-Irlanda ta' Fuq. Fl-2006, fl-logħba ta' ħbiberija kontra l-Ġappun, li kienet intlagħbet bħala preparazzjoni għall-fażi finali tat-Tazza tad-Dinja 2006 fil-Ġermanja, huma rnexxielhom iżommu r-riżultat 1-0 alavolja laqtu l-gowl kmien fil-partita.

Fis-7 ta' Frar, Malta irnexxielha tikseb pari prestiġjuż kontra wieħed mill-ospitu ta' l-Kampjonati Ewropej 2008, l-Awstrija. Il-logħba ntlagħbet biex tikkommemora l-ħamsin anniversarju ta' l-ewwel logħba internazzjonali li t-tim nazzjonali ta' Malta lagħab. Ir-riżultat finali kien ta' 1-1.

Rizultati ohra importanti kienu draw ta' 2-2, fit-8 ta' Settembtu 2007, kontra t-Turkija, valida ghal-kampjonati ewropej 2008, u r-rebha storika fuq Liechtenstein bl-iskor ta' 7-1 gewwa Ta'Qali, fejn spikka Micheal Mifsud meta skorja 5 gowls.

It-tim hu sponsorizzat minn Diadora.

Werrej

1 Storja
- 1.1 Kampjonati Ewropej 2008
- 1.2 Tazza tad-Dinja 2010
2 L-Iskwadra ta' Malta
3 Storja tal-Kompetizzjonijiet
- 3.1 Tazza tad-Dinja
- 3.2 Kampjonati Ewropej
4 Plejers
5 Kowċis
6 Ħoloq Oħra

[editja] Storja

[editja] Kampjonati Ewropej 2008

It-tim nazzjonali Malti, fil-fażi ta' kwalifikazzjoni għall-Kampjonati Ewropej 2008, kien fil-grupp flimkien mar-rebbieħa ta' l-edizzjoni ta' l-2004, il-Greċja, u anki mat-Turkija, mal-Bosnia-Ħerżegovina, man-Norveġja, ma' l-Ungerija, u mal-Moldova.

Huma bdew il-kampanja b'żewġ telfiet; l-ewwel kontra l-Bosnia-Ħerżegovina bl-iskor ta' 5-2 b'Jamie Pace u Michael Mifsud jiskorjaw il-gowls tal-Maltin, u kontra t-Turkija bl-iskor ta' 2-0. Wara dawn iż-żewġ telfiet, Malta rnexxielha tikseb ir-raba' rebħa f'logħob kompettitiv, meta rebħu lill-Ungerija 2-1 ġewwa Ta' Qali Stadium. Huma marru fil-vantaġġ permezz ta' Andre Schembri, imma ftit minuti wara l-Ungeriżi kisbu l-gowl tal-pari permezz ta' Sándor Torghelle. Malta reġgħet bdiet tiddomina l-logħob u kisbet il-gowl tar-rebħa meta Andre Schembri għal darb'oħra jissiġilla l-gowl tar-rebħa wara xogħol tajjeb ta' Michael Mifsud. L-entużjażmu tal-Maltin wara din ir-rebħa kien kbir u dan kompla ġewwa l-Moldova, meta l-Maltin kisbu pari prestiġjuż kontra l-Moldova bl-iskor ta' 1-1, fejn Justin Haber irnexxielu jsalva penalty. George Mallia tefa' lil Malta fil-vantaġġ, biex imbagħad Epureanu kiseb il-gowl tal-pari.

Wara l-kunfidenza li rnexxielha tikseb permezz ta' l-erba' punti li kienet għadha kemm kisbet, Malta affrontat lill-Griegi, li kienu r-rebbieħa ta' l-aħħar edizzjoni li saret fil-Portugall. Malta minkejja li sofriet il-possessjoni tal-Greċja ma ċedietx u l-ewwel taqsima ngħalqet b'pari ta' 0-0. Fit-tieni taqsima, il-Maltin baqgħu jsofru sakemm fl-aħħar il-Greċja rnexxielhom imorru fil-vantaġġ wara li Roderick Briffa waqqa' lil Vassilios Tosoridis fil-kaxxa l-kbira, u minn ħdax-il metru Angelo Basinas ma' żbaljax. Wara il-prestazzjoni tajba, Malta lagħbet kontra n-Norveġja ġewwa Ullevål, imma din id-darba l-istorja kienet differenti. Malta sofriet l-ewwel gowl wara tletin minuta minn Kristofer Hæstad. Il-Maltin ma tantx għamlu reazzjoni wara l-gowl, u fl-aħħar kwarta logħob, Malta sofriet tliet gowls oħra minn Thorstein Helstad (73'), Steffen Iversen (79') u John Arne Riise (91').

Fl-ewwel partita ta' ritorn għall-Maltin, li kienet kontra l-Bosnia-Ħerżegovina, Malta marret minn taħt wara sitt minuti permezz ta' Zlatan Muslimović, hekk kif dan il-gowl kien biżżejjed biex il-Bożnijaċi jiksbu t-tliet punti. Kontra t-Turkija, Malta kisbet pari ta' 2-2 fejn għal darbtejn Malta marret fil-vantaġġ permezz ta' Brian Said u Andre Schembri, imma minuti wara l-gowls il-Maltin sofrew il-pari. Kontra l-Ungerija, il-Maltin sofrew u tilfu 2-0 waqt li f'Malta, kontra il-Moldova, il-Maltin kienu saħansitra marru minn taħt 0-3 b'gowls ta' Igor Bugaev u doppjetta ta' Viorel Frunza. Fit-tieni taqsima, il-Maltin irnexxielhom jiksbu żewġ gowls lura permezz ta' Terence Scerri u Michael Mifsud. Fl-aħħar żewġ partiti tal-kampanja ta' kwalifikazzjoni, il-Maltin sofrew total ta' disa' gowls, meta kontra l-Greċja, l-Griegi rebħu 5-0 waqt li ġewwa Ta' Qali, in-Norveġiżi rebħulna 4-1 bil-gowl tal-Maltin jiġi skurjat minn Michael Mifsud.

Malta spiċċat l-aħħar fil-grupp b'ħames punti permezz ta' rebħa u żewġ pari. Il-Greċja u t-Turkija huma ż-żewġ timijiet li kkwalifikaw għall-fażi finali.

[editja] Tazza tad-Dinja 2010

Malta, għall-preliminarji tat-Tazza tad-Dinja 2010, ittellgħet fi grupp A flimkien mal-Portugall, ma' l-Isvezja, mad-Danimarka, ma' l-Ungerija u ma' l-Albanija.

[editja] L-Iskwadra ta' Malta

Gowlers

Difensuri

Ian Azzopardi
Ian Ciantar
Luke Dimech
Josef Mifsud
Peter Pullicino
Brian Said
Kenneth Scicluna
Stephen Wellman

Midfielders

Roderick Bajada
Etienne Barbara
Roderick Briffa
Trevor Cilia
George Mallia
Claude Mattocks
Jamie Pace
Kevin Sammut
Gareth Sciberras

Attakkanti

Gilbert Agius (c)
Daniel Bogdanovic
Andrew Cohen
Michael Mifsud
Terence Scerri
Andre Schembri
Ivan Woods

[editja] Storja tal-Kompetizzjonijiet

[editja] Tazza tad-Dinja

1930 sa l-1970 - Ma ħaditx sehem
1974 sa l-2006 - Ma kkwalifikatx

[editja] Kampjonati Ewropej

1960 - Ma ħaditx sehem
1964 - Ma kkwalifikatx
1968 - Ma ħaditx sehem
1972 sa l-2008 - Ma kkwalifikatx

[editja] Plejers

[editja] Plejers famużi tal-passat u tal-preżent

Gilbert Agius
Alex Azzopardi
Joe Brincat
Richard Buhagiar
Carmel Busuttil
John Buttigieg
David Camilleri
Edwin Camilleri
Joseph Camilleri
David Carabott

Jeffrey Chetcuti
David Cluett
Darren Debono
Michael Degiorgio
Luke Dimech
Edwin Farrugia
Emanuele Farrugia
Joseph Galea
Martin Gregory
John Holland

Kristian Laferla
George Mallia
Michael Mifsud
Mario Muscat
Chucks Nwoko
Brian Said
Nicky Saliba
Charles Scerri
Hubert Suda
Stefan Sultana

Daniel Theuma
Noel Turner
Raymond Vella
Silvio Vella
Guzi Xuereb
George Xuereb
Raymond Xuereb
Antoine Zahra

[editja] L-Aktar apparenzi

#	Isem	Perjodu	Partiti	Gowls
1	David Carabott	1987 - 2005	121	12
2	Carmel Busuttil	1982 - 2001	111	23
3	Gilbert Agius	1993 - preżent	105	8
4	Joe Brincat	1988 - 2004	103	5
5	John Buttigieg	1984 - 2000	95	1
6	Silvio Vella	1988 - 2000	90	1
7	Brian Said	1996 - preżent	79	4
8	Michael Degiorgio	1981 - 1992	74	4
9	Hubert Suda	1988 - 2003	70	8
10	Jeffrey Chetcuti	1994 - 2005	69	0
11	Raymond Vella	1984 - 1992	67	1

[editja] L-Aqwa skorers

#	Isem	Perjodu	Gowls (App)
1	Carmel Busuttil	1982 - 2001	23 (111)
2	Michael Mifsud	2000 - preżent	19 (56)
3	David Carabott	1987 - 2005	12 (121)
4	Gilbert Agius	1993 - preżent	8 (105)
=	Hubert Suda	1988 - 2003	8 (70)
6	Kristian Laferla	1986 - 1998	6 (65)
=	Raymond Xuereb	1971 - 1985	6 (43)
8	Joe Brincat	1988 - 2004	5 (103)
=	George Mallia	1999 - preżent	5 (58)

[editja] Kowċis

Kowċ	Perjodu	Logħob	Rebħiet	Pari	Telfiet	% Rebħiet
Joe A. Griffiths	1957 - 1961	6	2	2	2	33.3
Carm Borg	1961 - 1964	5	0	1	4	0
Janos Bedl	1966	1	1	0	0	100
Janos Bedl Tony Formosa	1966	1	1	0	0	100
Joe Attard	1969	1	0	0	1	0
Saviour Cuschieri	1970	1	0	1	0	0
Carm Borg	1970 - 1971	4	0	1	3	0
Tony Formosa	1971 - 1973	9	0	1	8	0
Victor Scerri	1973	2	1	0	1	50
Terrenzio Polverini	1974 - 1976	9	1	2	6	11.1
John Calleja	1976 - 1978	11	2	1	8	18.8
Victor Scerri	1978 - 1983	26	3	3	20	?
Guentcho Dobrev	1984 - 1987	21	1	4	16	4.7
Horst Heese	1988 - 1991	36	3	8	25	8.3
Pippo Psaila	1991 - 1993	17	5	4	8	29.4
Pietro Ghedin	1993 - 1995	24	4	5	15	16.6
Robert Gatt	1996	3	0	1	2	0
Milorad Kosanović	1996 - 1997	15	0	2	13	0
Josif Ilić	1997 - 2001	41	5	4	32	?
Sigfried Held	2001 - 2003	21	4	5	12	?
Horst Heese Carmel Busuttil	2003 - 2005	15	1	2	12	?
Horst Heese	2005	4	0	3	1	?
Dušan Fitzel	2006 - present	18	1	3	14	?