Taula dij Re de cà Savoja
Da Wikipedia.
Già in precedenza, finna del quattercent, i Savoja i gh'aveven el titol onorari de Re de Cipro e de Gerusalemm. Eren minga consideraa cà regnant, perchè el titol efetiv che'l ghe spetava l'è staa prima de Cont de Savoja e poeu (del 1416) de Duch de Savoja.
In del 1713 otenèven el domini de Sicilia cont el titol efetiv de Re, ma dopu de sulament cinqu ann se vedèven custrett a scambiaa la Sicilia cont la Sardegna, anca si questa a l'epoca a l'era pusè povera.
De seguit troveree l'elench di tucc i Re de Sicilia del 1713 al 1718, de Sardegna del 1718 al 1861 e d'Italia del 1861 al 1946 quand l'Italia l'è divegnida una republica:
Re de Sicilia (del-al):
Vitori Amedeo II (1713-1718)
Re de Sardegna (del-al):
Vitori Amedeo II (1718-1730)
Carl Emanuèl III (1730-1773)
Vitori Amedeo III (1773-1796)
Carl Emanuèl IV (1796-1802)
Vitori Emanuèl I (1802-1821)
Carl Felis (1821-1831)
Carl Albert (1831-1849)
Vitori Emanuèl II (1849-1861)
Re de Italia (del-al)
Vitori Emanuèl II (1861-1878)
Umbert I (1878-1900)
Vitori Emanuèl III (1900-1946)
Umbert II (1946)
