Da Wikipedia.
|
|
Quest articol chì l'è assee ben faa e l'è mia de trà via |
 |
L'eculugía la stüdia ul pianéta
Tèra.
L'eculugía a l'è una scénza ca la stüdia i relazziun ca g'inn tra i urganiism e ul sò muunt intuurn e tra i difereent urganiism tra de luur; a l'è una bròca de la biulugía. Ul cuncètt de baas dii stüdi eculògich al sa ciama ecusistéma, c'al cumpreent la cumünità biulògica (biucenuus), ul sitt físich indue a vívenn e i relazziun ca g'inn tra luur, cumè ul traspòort de matéria ed energía.
L'eculugía a l'è una scénza mültidisciplinaar, ca la ciapa cuncètt e mecaniism da i ólter sceenza cumè la física, la chímica, uviameent la biulugía, la geulugía. La paròla eculugía l'è stada creàda in del 1866 da l'Ernst Hackel, ca l'à ciapaa i paròll greech οικος (oikos, cà) e λόγος (logos, discuurs). In dii ültimm trent'ann la paròla eculugía l'è stada duperàda de spèss per dii muvimeent (ciamaa eculugiist) ca g'erenn per ubietiif un puu de cuntròl in matéria de ambieent, suratütt cunt i guvèern a tütt i livèj (varda per esémpi Greenpeace u WWF); püssee in generaal, in dii chí ültim ann generalmeent la geent la sa scunfuunt de spèss tra eculugía e ambieent, c'inn no la stèssa ròba.
