Bautzen (bataja)
Da Wikipedia.
Dopu de la bataja de Lutzen ij russ del Wittgenstein e i prusiàn del Blücher haan continuaa a retirass finna a quand el Tzar Lissander e el re de Prusia i gh'haan ordinaa de fermass a difend Bautzen.
Lor gh'aveven 100.000 omen, ma el Napuleoon a gh'era adree cont 115.000 e el gh'aveva anca el Ney minga distant cont alter 85.000.
I leaa se sont sistemaa in su de una linea de 10 chilomenter de front, mentra che l'imperador l'aveva studiaa de tacaa de front mandand el Ney a tajagh foeura la ritirada. El 19 de magg del 1813 i sò omen eren in posizion pront per l'atacc che l'è sciopaa el dì dopu a mezzdì.
I francees pasaven la prima linea de defesa liada e ciapaven el paes de Bautzen, ma el Ney el s'era minga mess in la posizion de tajagh foeura la ritirada aj leaa, de modu che el 21 la bataja la seguitava e quand che dopudesnaa la Guardia imperial de Napuleoon la intervegniva i russ-prusiàn podeven ritirass.
Napuleoon el vinceva la bataja, ma l'era minga riessii a dagh un colp decisiv al nemis grazzia aj eror del Nay.
