Bataja de Borodino
Da Wikipedia.
La bataja de Borodino l'è stada cumbatuda el 7 de setember del 1812 in tra ij francees de Napuleoon e ij rùss comandaa del General Kutusov. Borodino el se troeuva a 120 chilometer de Musca, e el sit l'era ideàl per defendess.
Kutusov l'haa sistemaa ben i sò 120.000 omen e i sò 640 canoni per spetaa i francees che ij rivaven forti del 133.000 omen (quel che l'era rimast dj 500.0000 che ij eren partii trì mes prima) e 587 canoni.
El Maresciall Davout el gh'aveva sugerii al Napuleoon de tacaa in su de un fianch, ma l'imperador l'haa preferii tacaa frontalment, per podee sconfigg i rùss definitivament in d'ona gran bataja general.
All'inizi l'attach l'andava ben per ij francees, ma quand i rùss han faa intervegnii ij reserv la situazion l'era a dree a cambiaa.
A la fin de la matina un attacch in su ij fianch del General Murat l'haa travolt i difesj russ, ma el princip Eugeni de Beauharnais el gh'aveva minga bastanza omen per desfrutaa el success.
La Guardia Russa l'era a dree a contrattacaa, ma l'artiglieria francesa l'haa impedii l'operazion. A la fin de la giornada i combattiment se sont fermaa perchè tucc eren tropp debol per continuaa, e in de la nott ij rùss se sont ritiraa lassand in sul camp 44.000 omen.
Ij francees han perduu 33.000 omen ma gh'aveven urmai la porta dervida per entraa in Musca.
