Vereineg Keuninkriek

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

---

Vereineg Keuninkriek
Basisgegevens
Offesjeel taol	gein, Ingels gebrukelek
Hoofstad	Londe
Staotsvörm	Constitutioneel Monarchie
Staotshoof	Elizabeth II (sins 1953)
Premier	Gordon Brown
[[{{{titelhoofregering1}}}]]	{{{naomhoofregering1}}}
[[{{{titelhoofregering2}}}]]	{{{naomhoofregering2}}}
[[{{{titelhoofregering3}}}]]	{{{naomhoofregering3}}}
Religie	{{{religie}}}
Opperflaakde – % water	244.820 km² 1,3%
Inwoeners – Deechde:	60,2 miljoen 246/km²
Euverige
Munteinheid	Brits Pond (GBP)
Tiedzaone	UTC 0
Nationale fiesdaag	2e zat. in juni
Vouksleed	God Save the Queen
Web | Code | Tel.	.uk | GBR | +44

't Vereineg Keuninkriek (United Kingdom of Great Britain and Northern Ireland) is e land in Wes-Europa, dat oet veer min of mie otonoom stökker besteit: Ingeland, Sjotland, Wales en Noord-Ierland. Ingeland weurt es kèrngebeed gezeen, zeker umtot dao de hoofstad ligk, 't groetste deil vaan de bevolking woent en de regerende dynastie oorsprunkelik Ingeland regeerde. D'n Ingelse keuning heet de titels Keuning vaan Ingeland en Keuning vaan Sjotland, de kroenprins hèt Prins vaan Wales. 't Eiland boe-op Ingeland, Sjotland en Wales ligke weurt Groet-Brittannië geneump. Officieel hure 't Isle of Man en de Kenaaleilen neet bij 't Vereineg Keuninkriek. Dees eilen hure, same mèt 't Vereineg Keuninkriek zelf en 'n aontal kolonië en geweze kolonië, wel tot 't Brits Gemeinebes.

[bewirk] Bestuurleke indeiling

Wie heibove aongegeve weurt 't Vereineg Keuninkriek in vier stökker verdeild. Op lieger niveau zien Ingeland en Wales in counties verdeild, Sjotland in regions en Noord-Ierland in districts. Zuug veur de indeiling bij de apaarte landsdeileuverziechte.

[bewirk] 't Vereineg Keuninkriek in Internationaal Verband

Sins de jaore zeventeg is 't Vereineg Keuninkriek lid vaan de EU; 't land steit evels drum bekind hiel kritisch mèt z'n lidmaatsjap um te goon. Zoe heet 't 't Tractaat vaan Schengen neet geteikend en de euro nog neet euvergenome. Es ein vaan de euverwinners vaan d'n Twieden Wereldoorlog heet 't land 'ne permaninte zetel in de Veilegheidsraod gekrege. Ouch is 't land sins de opriechting lid vaan de NATO.

[bewirk] Historie

Al sins de dertiende iew behiersde Ingeland Wales en sins 1603 waor de keuning vaan Sjotland ouch keuning vaan Ingeland. Wales woort in 1536 officieel geannexeerd en mèt de Act of Union, 1707 woort ouch Sjotland formeel debij betrokke: 't Keuninkriek Groet-Brittannië woort daomèt opgeriech. In 1800 woort door weer 'n aander Act of Union noe ouch Ierland debijgevoog: 't Vereineg Keuninkriek vaan Groet-Brittannië en Ierland waor e feit. In de negentiende iew won 't land, mechteg op zie, ummer mier kolonië op alle kontinente, en tege 1900 besloog 't Brits Riek e kwaart vaan 't eerdoppervlak (zoonder Antarctica). Laank kós 't zien mechteg positie neet vashawwe: al gaw verklaorde Canada en Australië ziech oonaofhenkelik. In d'n Ierste en Twiede Wereldoorlog voch 't land succesriek aon Geallieerde zij mèt, al mós 't touwstoon tot de Vereinegde Staote lankzaam aon de leiende rol gónge euvernumme. Nao d'n Twiede Wereldoorlog woorte lankzaam aon ouch de mieste ander kolonië oonaofhenkelik of geannexeerd door ander len, 't lès gebäörde dat mèt Hong Kong in 1997. De Falkland-eilen kóste ze evels nao 'nen oorlog mèt Argentinië in 1986 behawwe.

't Vereineg Keuninkriek heet probleme gehad mèt de integratie naor 't Europees vasteland, en steit als "euro-sceptisch" bekind. In 1973 trooj 't land touw tot de EU. Wie in 1997 Tony Blair aon de mach kaom gaof heer Sjotland, Ingeland en Noord-Ierland 'n eige parlemint, en sjafde heer 't middelieuws systeem vaan 't Hoegerhoes aof. De monarchie is in de jaore negenteg ter discussie kaome stoon; toch blief nog ummertouw twie daarde vaan de Britte veurstander vaan 't keuninkriek.

Lenj in Europa
Albanië | Andorra | Armenië2 | Azerbaidzjan1 | Belsj | Bosnië en Hercegovina | Bulgarieë | Cyprus2 | Daenemarke | Duutsjlandj | Esland | Finland | Frankriek | Griekelandj | Hongarieë | Ierland | Iesland | Italië | Kroatië | Letland | Liechtenstein | Litouwe | Luxemburg | Macedonië | Malta | Moldavië | Monaco | Montenegro | Nederlandj | Noorwege | Oekraïne | Oesteriek | Pole | Portugal | Roemenië | Ruslandj1 | San Marino | Servië | Sjlovenië | Sjlowakieë | Sjpanje | Turkije1 | Tsjechië | Vaticaansjtad (Heilige Sjtool) | Vereineg Keuninkriek | Wit-Ruslandj | Zjwaede | Zjwitserland
Aafhenkelike gebejer: Akrotiri en Dhekelia2 | Faeröer | Gibraltar | Guernsey | Jan Mayen | Jersey | Eilandj Man | Sjpitsberge
1. Dit landj lik gedeiltelik in Azië. 2. Dit landj lik geografisch in Azië, meh weurt óm cultureel en historische raejes bie Europa ingedeild.