Gebroeker:Steinbach
Van Wikipedia
Dit artikel is gesjreve in 't lolcat. 't Weurt gewaardeerd óm in dit artikel 't lolcat aan te hauwe of aan te gaeve welk anger dialek gebroek is.
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Welcome to my user page. You can contact me in any language, but preferably one I understand. The interwikis in the margin can give you a picture, albeit not altogether accurate, of which languages I master to some extent.
I was formerly know as "HaafLimbo". The denotation Limbo is a popular abbrevation of "Limburger" and has nothing to do with limbo dancing. Haaf means "half"
|
|
||
|
||
|
||
|
||
|
||
|
||
| Zeuk op tale van gebroekers |
Wèlkóm, de höbs deveur gekoze mien gebrukerspaasj te bekieke. Dit kin iech allein mer waordere.
De höbs op 't memint te make mèt Steinbach, ouch wel bekind es ᔅᑕᐃᓐᐸᐦ, ﺷﺘﺎﻳﻨﺒﺦ, Штайнбах, Σταίνβαχ, ステイヌバ en שׁטאיןבח, vreuger HaafLimbo, 'ne gebruker vaan dees Limburgse Wikipedia. Iech zal hei ins get euver miechzelf vertèlle. Alleriers mienen awwe naom: dee höb iech neet veur niks gekoze. Iech bin naomelik geine Limburger, meh iech voolt miech wie iech miech hei insjreef toch wel zoe mèt dit land verboonde tot iech miech "Haaf-Limbo" neume dors. Geer moot miech dat mer vergeve, en miech zoe nujeg nöttege advieze geve. Deste ieder bin iech ingebörgerd. Mienen echte naom is trouwes Wouter Steenbeek, meh dat heet hei neet al te väöl beteikenis. Daovaan kump ouch miene nuie naom Steinbach. Dees naomsverandering had trouwes niks te make mèt 'n verminderde band mèt Limburg meh alles mèt praktische euverweginge: Iech voont tot iech wel op get mie Wikipedia's dezelfde gebrukersnaom moch höbbe, veur wee miech aonsprik is dat dudeliker. HaafSjeng hej euveregens ouch wel gekind, waant iech veul miech mèt De Stad meenstes zoe verboonde es mèt 't land, en iech sjrijf gewoenelek in 't Mestreechs.
Mien roots ligke dus örges aanders. Iech bin gebore in Dordrech, 'n stad tösse de groete revere in. V'r praote wel Hollands dao, meh gluif mer tot veer us good kinne verzètte tege de drök oet Rotterdam en evegood tege Noord-Braobant aonligke. Iech höb ouch jaorelaank in Zieland gewoend, en wel in Middelburg. Goot allemaol ins daoheer op verkaansie zouw iech zègke, es g'r dat teminste nog noets gedoon höb. 't Is al wat Limburg neet is: plat, riek aon water, calvinistisch en huurt uuch dat täölke toch ins aon! Meh ouch dao woen iech neet mie: iech zit noe in Utrei, lekker in 't midde vaan 't land, boe iech muziekweitesjap studeer. Es die stei diech alledrei niks zègke, daan zuug mer eve bovenaon of volg de link.
Hei op Wikipedia sjrijf iech wel ins euver get Limburgs, meh toch meistal euver ander dinger: muziek (dat is jummers mien studie!), taol en dialek, len en bieste veural. Mei eigelik bin iech hei wat ze op 't Hollands neume Manusje-van-alles, es iech dat zoe maag zègke. Mien awwer bijdraoges bevatte wel e stök mie foute es de nuiere, iech verexcuseer miech daoveur en geer maag dat natuurlik koume verbetere. Iech veul miech überhaup mèt Wikipedia verboonde, waant miene verjäördaag is dezelfde es die vaan dit sjoen projek. Geer kint miech ouch op ander Wikipedia's vinde, meh nog neet euveral es Steinbach. Wijer kinste diech dat lieske in de marsj links bekieke: dao stoon sommege vaan mien accounts op ander Wikipedia's in. Iech moot evels wel debij vertèlle tot iech neet al die taole ech spreek.
Nog eve 'n antwoord op de pitsende kwestie wie iech miech dat Limburgs toch höb aongelierd: iech höb miech e beukske gekoch, oet de serie Taal in Stad en Land, wat euver 't Mestreech geit. Denao höb iech mien vocabulair oetgebrejd door Mestreechs te goon leze: Dao is gei dialek in Nederland en Vlaondere wat dèkser opgesjreve is, dus iech had gelegeheid genoog. Veur de finishing touch höb iech sins begin 2006 de Nuie Mestreechsen Dictionair, boe iech miech (haos) alles in kin opzeuke.
En boeveur höb iech dat daan gedoon? Nou gewoen, zoe'n sjoen taol lieste toch neet links ligke? Iech vin 't eigelik gekker tot al die Limburgers es keend Hollands mote liere... ;-)
Teslotte: iech houp tot dit projek diech aonmeujeg veur zelf mèt te doen: kiek mer in 't roond, dao is nog genoog te sjrieve hei, en vas ouch wel get boes diech väöl vaan wèts. Deranzjeer diech neet, este gei Limburgs höbs liere sjrieve daan perbeer 't mer. In eder geval: Väöl plezeer hei!
Inhawd |
Planne en projekte
Geografie
Gemeintes in Nederlandhöbbe allemaol 'n artikel- Dörper in Nederlands Limburg (al gooddeils aof; oonderbroke)
- Oetbreie Mestreech (gepland)
- Oetbreie artikele euver Nederlandse provincies (gepland)
Taol
- Limburgse dialekte (väöl dialekte al besjreve, meh oetbreiding en herstructurering vereis)
- Streiktaole in Nederland en 't Belsj: aonmake en oetbreie (bin bezeg aon 'n oetgebreide serie)
- Streiktaole in Duitsland/Oosteriek/Zwitserland (nog mer wieneg gedoon, zal mote wachte tot nao de "Nederlandse" dialekte)
- Germaanse taole: oetbreie (noe nog veural stumpkes)
- Dialekte vaan Germaanse taole (get veur later)
- Indogermaanse taole: vergliekend historisch gedeuns enzoe (zuug de väöl roej links in Proto-Indogermaans)
- Ander taole: oetbreie en aonmake (bin iech nog jaore mèt bezeg!)
Muziek
Die indeiling kump later wel...
Biologie
Ouch nog vaan alles te doen
Meta-werk
- Aofmake vaan zoe väöl meugelik artikele oet de categorie:Werk in oetveuring (gepland)
- Oetbreie vaan e groet aontal stumpkes (gepland)
- Dialekcorrecties oet de categorie:Gesjreve in 't Mestreechs (mien eige foute dus; gepland)
- Logischer indeile vaan de Categorieboum (gepland)
- Aonmake vaan mie portaole (gepland; hulp zouw wèlkóm zien)
