Antoni Gaudí

Vu Wikipedia, der fräier Enzyklopedie.

Antoni Gaudí

Den Antoni Plàcid Gaudí i Cornet gebuer de 25. Juni 1852 zu Reus bei Tarragona; a gestuerwen den 10. Juni 1926 zu Barcelona, war e katalaneschen Architekt an e Vertrieder vum katalanesche Modernismus.

Inhaltsverzeechnis

1 Säi Liewen
2 Iwwer de Gaudí
3 Seng Wierker
4 Literatur zum Thema
5 DVD
6 Um Spaweck

[Änneren] Säi Liewen

Vun 1863 bis 1868 ass de Gaudí an d’Klouschterschoul Colegio de los Padres Escolapios zu Reus gaangen. Duerno huet hien um Instituto de Enseñanza Media studéierta, an en huet Virbereedungscoursen fir Architektur op der wëssenschaftlecher Fakultéit vun der Universitéit Barcelona besicht.

Vun 1873 bis 1877 huet hien Architektur an der Escuela Provincial d’Arquitectura zu Barcelona studéiert an en huet niewebäi bei verschiddenen Architektebüroën geschafft, ënner anerem beim Francesc de Paula del Villar i Lozano, fir Suen ze verdéngen.

De 15. Mäerz 1878 krut hie säin Diplom als Architekt a an hien huet duerno säin eegenen Architektebüro opgemaach.

Duerch eng intensiv Zesummenaarbecht mam Architekt Juan Martorell Montells, koum de Gaudí an en enke Kontakt mat der neigotescher Architektur.

1883 huet de Gaudí, op Virschlag vum Juan Martorell Montells, d’Architekturaarbechten fir de Bau vun der Sagrada Familia vum Francesc de Paula del Villar i Lozano iwwerholl, dem Architekt vun der Diozees, an hien huet 43 Joer laang, bis zu sengem Doud, un deem Projet geschafft.

De 7. Juni 1926 gouf de Gaudí bei engem Spadséiergank vun engem Tram ugestouss, an ass dräi Deeg méi spéit an engem Spidol zu Barcelona gestuerwen.

Bänk op der Terass vum Parc Güell

[Änneren] Iwwer de Gaudí

Säi Frënd a Mataarbechter Joaquín Torres García huet hien als "genialste vun allen Architekten" bezeechent.

[Änneren] Seng Wierker

D'Casa Milà (La Pedrera) zu Barcelona

D'Fassad vum der Casa Batlló

Bellesguard, Barcelona, 1900-1909
Bëschofspalais Astorga, Léon, 1887-1893
Wäikeller Guëll, Garaff bei Sitges, 1895-1901
Casa Batlló, Barcelona, 1904-1906
Casa Calvet, Barcelona, 1898-1899
Casa de los Botines, Léon
Casa El Capricho, Comillas bei Santander, 1883-1885
Casa Milà, Barcelona, 1906-1912
Casa Vicens, Barcelona, 1883-1888
Colegio de las Teresianas, Barcelona, 1888-1889
Finca Güell, Barcelona, 1884-1887
Finca Miralles, Barcelona, 1901
Kathedral Palma (Renovéierungsaarbechten), Palma de Mallorca, 1903-1914
Krypta Colònia Güell, Santa Coloma de Cervelló, 1898-1917
Palais Güell, Barcelona, 1886-1888
Park Güell, Barcelona, 1900-1914
Templo Expiatorio Sagrada Familia, Barcelona, 1883-1926

[Änneren] Literatur zum Thema

Rainer Zerbst: Antoni Gaudí,1852-1926, Antoni Gaudí i Cornet – ein Leben in der Architektur, Taschen GmbH, Köln, 2002, ISBN 3-8228-2169-1
Aurora Quito, Cristina Montes: Antoni Gaudí. DuMont-Monte-Verlag, Köln, 2002. (de) (en)