Alhad
De Wikipedia
El alhad es el primer dia de la semana para mozos, djidios, i esta entre el shabat i el lunes. El nombre mos viene del arabo AL-HAD (komo en ivrit, EHAD=Uno) keren sinyifikar "dia uno" o "primer dia". El uzo de este biervo i no de DOMINGO puedeser ke tuvo la enfluensia de los arabos musulmanes: klaramente, ansi eyos ke los djidios kijieron siguro diferensyarsen de los kristianos. Haim Vidal Sephiha topa en este fakto la mesma tendensya ke en el biervo DIO, ke rejekta la presensia de la "S", marka de plural. Su nombre en espanyol kastiyano moderno (DOMINGO) viene de la ekspresion en latin domínicus, díes Dómini ke sinyifika dia de Dio. En la vieja Roma en latin se yamaba díes solis ke sinyifika dia del Sol.
| Dias de la semana |
| Lunes - Martes - Mierkoles - Djueves - Viernes - Shabat - Alhad |
Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.
