Wikipedia:Kasano ti mangirugi iti baro a panid
Manipud iti Wikipedia
Ditoytayo a maammuan no kasano ti mangirugi wenno manglukat iti baro a panid wenno baro nga articulo.
Dagiti umuna nga aramiden
- Aramaten ti pagbirok tapno maammuan no ti kayatmo a rugian nga articulo ket addan nangirugi wenno nalpasen a panid wenno articulo.
- No awan pay ti mapanunot a baro a topiko wenno banag a rugian, nasayaat no aramaten dagiti awan pay artikulona a links. Nalaka a madlaw dagitoy a links ta addaan maris a nalabaga ket no iklikmo dagitoy ket awan ti mabasa nga articulo ngem ketdi mapan a diretso iti pageditan a panid ket sadiay nawayakan a mangipan iti texto. Wenno saan kitaen dagiti dawat nga articulos ket sadiay a mangpili iti rugian.
- Laglagipen a rugian ti panid babaen ti ababa nga introduksion maipapan iti topiko a suraten/aramiden.
- Basaen a naimbag ti annuroten iti panangnagan wenno panangtitulo kadagiti panid iti Wikipedia sakbay a naganan wenno tituluan ti maysa a panid tapno maliklikan ti panangbaliwbaliw iti nagan ti panid no matakuatan a biddut ti panangnagan iti daytoy.
- Mangrugi babaen ti balikas wenno kompleto a sao. Daytoy ti agbalin a nagan wenno titulo ti articulo.
- Kitaen ti listaan dagiti articulo a kasapulan ti amin a pagsasao ket pumili iti articulo nga awan pay iti Ilokano Wikipedia.
- Kitaen met ti dagiti dadduma pay nga annuroten, kas iti annuroten iti grammar ken ispeling ti maar-aramat nga Iloko ditoy Ilokano Wikipedia.
Wagas iti panangirugi iti panid
- Mangrugi iti panid nga usaren dagiti awan pay articulona a links
- Mangrugi iti panid babaen ti panangbaliw iti URL
- Mangrugi iti panid manipud iti sandbox wenno pagipadasan
