Worklecy

Z Wikipedije, swobodneje encyklopedije

Worklecy
wopon	mapa
Zakładne daty
stat	Němska
zwjazkowy kraj	Sakska
knježerstwowy wobwod	Drježdźany
wokrjes	Wokrjes Kamjenc
koordinaty	51°15′ N 14°14′ E (G)
wysokosć	164 m
přestrjeń	11,51 km²
wobydlerstwo	1230 (31. december 2006)
hustosć wobydlerstwa	107/km²
póstowe čisło	01920
telefoniska předwólba	035796
KFZ-znamješko	KM
rozčłonkowanje gmejny	Haty, Horni Hajnk, Nowa Wjeska, Smječkecy, Worklecy, Wudwor
Stronka w syći	raeckelwitz.de
pok.·disk.·wobdź.

Worklecy, němsce Räckelwitz, je gmejna w sakskej Hornjej Łužicy. Je čłonka w Zarjadniskim zwjazku Při Klóšterskej wodźe (Verwaltungsverband "Am Klosterwasser"). Wulki dźěl wobydlerstwa su Serbja.

Wobsah 1 Geografija a wobchad 2 Wjesny rozrjad 3 Synojo a dźowki gmejny 4 Zajimawostki 5 Stawizny

[wobdźěłać] Geografija a wobchad

Gmejna leži wokoło 8 km na wuchod wot wokrjesneho města Kamjenc a wokoło 15 km sejwerozapadnje wot Budyšina. A 4 je přez najězd na awtodróhu Horni Wujězd (wok. 6 km) docpějomna. Gmejna leži w zapadnej Hornjej Łužicy na kromje Zapadołužiskeje pahórčiny, w přechodźe mjezy płonymi hatnišćemi na sewjer a Łužiskich hór na juhu. Přez Worklecy běži Klóšterska woda, přitok (rěčka) Čorneho Halštrowa.

[wobdźěłać] Wjesny rozrjad

Wjesne dźěle su Horni Hajnk (Dreihäuser), Wudwor (Höflein), Nowa Wjeska (Neudörfel), Worklecy, Smječkecy (Schmeckwitz) a Haty (Teichhäuser).

[wobdźěłać] Synojo a dźowki gmejny

• Michał Hórnik (1833–1894), serbski duchowny a jedyn z najwuznamnišich spěchowarjow serbskeho pismowstwa w 19. lětstotku
• Jurij Brězan (1916–2006), serbski spisowaćel
• Stanisław Tilich (* 1959), politikar
• Peggy Wagenführ, (* 1976), biatletka

[wobdźěłać] Zajimawostki

• Knježi dom

Barokny knježi dom z dźewjeć wóskami a jednymi schodami pod hołym njebjom. Kedźby hódna je hrodowska kapałka w Beuronskim stilu. W knježim domje běše chorownja připrawjena. Natwary 20. lětstotka čakaja hišć na wottorhanje. W zahrodowym domje su sotry žiwe, kotrež běchu hač do swojeho wuměnka w chorowni dźěłali. Na domje su wjacore wopony a monogramowe kamjenje hrabjow Stolberg-Stolberg.

[wobdźěłać] Stawizny

Worklecy buchu w lěće 1280 jako Rokolewicz prěni raz přez wopismo naspomnjene. Wot lěta 1304 běše tu ryćerkubło. Poslednja swójstwownica kubła, hrabina Monika von Stollberg, wotkaza knježi dom Malteskemu rjadej. W dobje wot 1903 do 2000 běše potom w něhdyšim knježim domje katolska chorownja tutoho rjada. Wulki dźěl wobydlerjow wuchodneho krajneho wokrjesa Kamjenc a susodneho krajneho wokrjesa Budyšin je so we Worklecach narodźił.