Běła cycawka
Z Wikipedije, swobodneje encyklopedije
Běła cycawka |
|
---|---|
systematika | |
Domena | Eukarioty |
Swět | Rostlinstwo |
klasa: | (Rosopsida) |
podklasa: | (Asteridae) |
porjad: | (Lamiales) |
swójba: | Cycawkowe rostliny (Lamiaceae) |
podswójba: | (Lamioideae) |
ród: | Cycawka (Lamium) |
družina: | Běła cycawka |
wědomostne mjeno | |
Lamium album | |
L. | |
Běła cycawka (łaćonsce: Lamium album) je rostlina z roda cycawkow a swójby cycawkowych rostlinow.
Wobsah |
[wobdźěłać] Wopis
Běła cycawka je wjacelětna, zelišćowa, zymokruta rostlina. Wona dosahuje wysokosć wysokosć wot 20 hač do 50 cm.
Stołpiki su najčasćišo jednore a štyrihranite.
Łopjena su napřećostejne, stołpikate, třiróžkate-owalne, na spódku słabje wutrobojte, na kromje hrubje rězate, dołho kónčkojte a dosahuja dołhosć mjezy 3 a 7 cm.
Rostlina kćěje wot apryla hač do awgusta. Kćenja su běłe, sedźace w mutličkojtych, 6- hač do 16-kćenjowych dźělokwětnistwach w pažach hornich stołpikate łopjenow a dosahuja dołhosć mjezy 20 a 25 mm. Keluch je likojty z njerunymi wótrymi zubkami. Króna dosahuje dołhosć mjezy 2 a 2,5 cm a ma horje zhibowanu rołku, je 2-hubowa z wjelbowanej hornjej hubu a 3-lapatej dele fałdowanej delnjej hubu a je dlěša hač keluch. Hornja huba ma dołhe kosmy. Bočne wotrězki delnjeje huby maja po 1 šwižnolancetojtym zubje. Srjedźne lapy su nutř rězane a 2-kónčkate. 4 stameny maja brune, běłošešerjaće brodate, husto pod hornjej hubje ležace próšniki.
Rostlina ma podzemske wuběžki.
Kćenja buchu wosebje wot čmjełow wopróšene.
[wobdźěłać] Stejnišćo
Běła cycawka rosće pod kerčinami, na pućowych kromach a na smjećišćach.
[wobdźěłać] Přestrjeń
Běła cycawka je we wulkich dźělach Europy, sewjernej a wuchodnej Aziji rozšěrjeny.
Běła cycawka je picowanska rostlina za pčoły a za čmjeły.
[wobdźěłać] Wužiwanje
Kćenja hižo za čas srjedźowěka bu k hojenskim zaměram wužiwane. (Na při. přećiwo tuberkulozy, infekcijam dychanskich pućow atd.)
[wobdźěłać] Žórła
- GU Maxi-Kompaß Blumen, ISBN 3-7742-3852-9, strona 201 (něm.)
- GU Naturführer Blumen, ISBN 3-7742-1507-3, stronje 202-203 (něm.)
- Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
- Seidel/Eisenreich: BLV Bestimmungsbuch Blütenpflanzen, ISBN 3-405-13557-5, stronje 104-105
[wobdźěłać] Eksterne wotkazy
- Botanický herbář (česki)
- G. Madaus: Lehrbuch der biologischen Heilmittel (něm.)
- Flora of Northern Ireland (jend.)
- USDA plants database (jend.)
- Plants for a Future (jend.)