Xosé Quiroga Suárez
Na Galipedia, a wikipedia en galego.
Xosé Quiroga Suárez (Petín, 4 de xullo de 1920 - A Rúa, 18 de outubro de 2006), foi un médico e político valdeorrés e o primeiro presidente da Xunta de Galiza trala aprobación do estatuto de autonomía de 1981 (o segundo estatuto de autonomía da historia da Galiza).
Índice |
[editar] Traxectoria política
Xosé Quiroga foi alcalde da Rúa durante o franquismo, entre 1953 e 1956.
Nos primeiros días da recuperación da democracia en Galiza, e dende o ámbito do cooperativismo agrario, fundou o partido Acción Política Orensana, a canda Vitorino Núñez. Foi membro de UCD desde a creación do partido por Adolfo Suárez, e resultou elixido senador nas consituíntes de 1977. Neses comicios foi o político máis votado de toda Galiza.
[editar] O primeiro goberno da Xunta
En 1979 foi nomeado presidente da Xunta pola UCD, cargo no que tomou posesión o 9 de xuño de 1979.
O seu goberno formárono Ramón Félix Blanco Gómez, Daniel Casalderrey Castro (agricultura, gandería e montes), Luís Cordeiro Rodríguez, Alejandrino Fernández Barreiro (educación e cultura), Baldomero Fernández Calviño (pesca), Segundo Fernández Covelo, Alfonso Javier García Ascaso (industria, comercio e turismo), José Gómez García, José Luis Nogueira Rodríguez, Vitorino Núñez, José María Pardo Montero (ordenación do territorio, urbanismo e transportes), José Regal Vázquez, Julio Riera Nieves, Miguel Sanmartín Losada (administración local), Jaime Tejada Lorenzo, Indalecio Tizón Covelo, José Antonio Trillo Torres e Víctor Manuel Vázquez Portomeñe.
Deixou o seu cargo o 21 de xaneiro de 1982 para dar lugar ás primeiras eleccións á presidencia da Xunta de Galiza, gañadas por Xerardo Fernández Albor.
[editar] Conselleiro e senador
Durante todos eses anos compaxinou o seu cargo de presidente da Xunta co de senador, onde foi elixido en representación da UCD por tres veces (1977-1986).
Posteriormente, abandonou a UCD trala descomposición da formación centrista e sumouse a Coalición Galega, o Partido Reformista de Miquel Roca, Alianza Popular e posteriormente o Partido Popular. Coa dereita foi senador en tres lexislaturas máis, foi tamén deputado autonómico e conselleiro de Sanidade e tamén de Traballo nos gobernos de Fernández Albor.
[editar] Vida persoal
Xosé Quiroga estudou o bacharelato en Monforte e despois Medicina na Universidade de Santiago, onde se licencioun en 1944. Nos anos setenta (1971-1975) foi presidente da cooperativa vinícola Nuestra Señora de las Viñas.
Xa retirado da vida política, Xosé Quiroga volveu á súa terra natal e mantivo aberto o consultorio médico na Rúa ata a súa xubilación, logo de medio século de exercicio da profesión. Do seu matrimonio con Julia Gayoso tivo nove fillos.
Foi condecorado coa medalla de Cabaleiro da Orde da Constitución e coa Cruz de Venezuela de Fernández Miranda. Era tamén fillo predilecto de Petín.
| Lista de Presidentes de Galiza | ||
|---|---|---|
Segue a: Antonio Rosón Pérez |
Xosé Quiroga Suárez | Precede a: Xerardo Fernández Albor |
| UCD | ||
