Pol
Na Galipedia, a wikipedia en galego.
| Pol | |
|---|---|
 |
|
| Situación | |
 |
|
| Xentilicio 1: | Polense |
| Xeografía | |
| Provincia: | Provincia de Lugo |
| Comarca: | Meira |
| Área: | 125,9 km² |
| Entidades de poboación: | 111 |
| Capital do concello: | Mosteiro |
| Latitude e lonxitude: | 43° 7'55.14"N 7°21'4.69"O |
| Altitude máxima: | 936m m. |
| Altitude mínima: | 452m m. |
| Zona horaria: 2 | UTC + 1 |
| Demografía (2007) | |
| Poboación: | 1.913 hab. |
| Densidade: | 15,19 hab./km² |
| Uso do galego 3 (2001) | |
| Galegofalantes sobre o total da poboación: | 99,50 % |
| Falantes do galego no tramo 5 a 29 anos | |
| Sempre: | 96,16 % |
| Ás veces: | 2,55 % |
| Nunca: | 1,27 % |
| Política (2007) | |
| Concelleiros 4: | PPdeG concelleiros 4 ( %) BNG concelleiros 2 ( %) PSdeG-PSOE concelleiros 3 ( %) Outros: - (75 %) |
| Alcalde: | Lino Rodríguez Ónega (PSdG-PSOE) |
| Eleccións municipais en: Pol {{{eleccións}}} |
|
| Censo electoral (2007) | |
| Total electores: | 2223 - 100 % |
| Votantes: | 1558 % |
| Abstencións: | 665 % |
| Votos en branco: | 20 % |
| Votos nulos: | 11 % |
| Orzamentos (2000) | |
| Enderezos | |
| Enderezo físico: | |
| Teléfono: | |
| Fax: | |
| Código postal: | |
| Correo electrónico: | |
|
|
|
|
Notas: |
|
Concello da Provincia de Lugo en Galiza. Pertence á Comarca de Meira.
Poboación en 2007: 1.913 persoas segundo o Padrón municipal de habitantes.
Índice |
[editar] Situación
O concello esténdese no pedemonte das estribacións da Serra de Meira polo norleste e da Serra do Mirador polo suleste. Mosteiro, con 205 habitantes, é a capital desde 1970. A estrada comarcal 640 (de Lugo á Veiga) pasa polo norte.
As maiores altitudes están no leste (Pena Grande, 935m., Montes da Ferradura, 809 m. e Penedo do Pao, 827 m.). Nos limites con Castro de Rei a altitude apenas supera os 400 m. e os outeiros intermedios non superan os 650 m. Deles parten numerosos regatos e ríos.
Os principais cursos fluviais son, na bacía do Miño, o río Azumara e o seu afluente o río Pol polo centro e o río Lea polo suloeste e, cara a vertente cantábrica, o río Lúa, que é afluente do Eo.
Abundan os bosques grandes, como os de Milleirós, con moitos carballos
O clima é oceánico continental, con precipitacións en volta dos 1.000 mm anuais e temperaturas medias anuais baixas. A media no inverno non sobrepasa os 6,7&sup0C; no verán a temperatura é suave (16&sup0C); 136 días ao ano hai xeada.
[editar] Historia
A poboación pre-histórica debeu de ser importante, en razón da abundancia de mámoas e castros. Por Pol pasou unha vía romana que procedía de Astúrica Augusta e se bifurcaba en Valonga cara Ribadeo e Viveiro. No Museo Provincial de Lugo consérvase unha ara votiva dedicada aos deuses viais. Outros restos romanos son o mosaico da Vila romana de Doncide, en Silva, e a tessera dos zoelas, inscrición na que se recolle un pacto de amizade entre os triadivos e os desoncos, realizado en presenza no maxistrado Abieno, no ano 27 a.C..
Da Idade Media fican sepulturas antropomórficas en Lúa e sartegos en Ermude. Sábese da existencia de mosteiros en Arcos, Mosteiro e Silva (este último estaba baixo a protección do papa Hadrián IV en 1156). Cando o Císter se instalou en Meira, estes mosteiros desapareceron.
O documento máis antigo que se conserva referido a este concello é de 1222, o testamento dun soldado chamado Froila García, que deixa as súas terras de Pol ao bispado de Lugo. No mesmo século XIII o rei Afonso X o Sabio concedeu unha carta póboa aos habitantes de Luaces, que se asentaron en Valonga. As terras de Luaces, que pertenceran á casa de Lemos, pasaron en 1514 aos Altamira, ao compralas Álvaro Osorio de Moscoso para o seu sobriño, o IV Conde de Altamira.
No século XVIII os Losada eran señores en Pol, que se dividía daquela nas xurisdicións de Luaces, Meira e Lea. Coa creación dos primeiros concellos créanse dous, Luaces e Lea, pero en 1835 créase o actual de Pol, co mesmo territorio a excepción de Lúa.
[editar] Lugares de Pol
Para unha lista completa de todos os lugares do concello de Pol vexa: Lugares de Pol.
[editar] Parroquias
| Galicia | Provincia de Lugo | Parroquias de Pol | |
|---|---|
|
Arcos de Frades (Santiago) | Caraño (San Martiño) | Carazo (San Pedro) | Cirio (Santa María) | Ferreiros (Santo André) | Fraialde (Santa María) | Gondel (San Cosme) | Hermunde (San Pedro) | Lea (San Bartolomeu) | Luaces (Santa María) | Milleirós (Santiago) | Mosteiro (San Salvador) | Pol (Santo Estevo) | San Martín de Lúa (San Martín) | San Martiño de Ferreiros (San Martiño) | Silva (Santiago) | Suegos (Santa Eulalia) | Torneiros (San Lourenzo) | Valonga (Santa María) |
[editar] Personaxes de sona
- Xosé María Díaz Sanxurxo, bispo, santo e mártir (1818-1857)
- Fernando Ónega López, xornalista (n. 1947)
[editar] Véxase tamén
|
Referencias relacionadas con Galicia |
||
