My Name Is Earl
Na Galipedia, a wikipedia en galego.
| My Name Is Earl | |
| Xénero | Comedia |
|---|---|
| Formato de imaxe | 480i (SDTV) 1080i (HDTV) |
| Duración | 21 mins. aprox. |
| Creador(es) | Greg Garcia |
| Produtor(es) executivo(s) | Bryan Singer |
| Intérpretes | Jason Lee Ethan Suplee Jaime Pressley Eddie Steeples Nadine Velazquez |
| País de orixe |  Estados Unidos |
| Emisión orixinal | NBC |
| Tempo de emisión | 20 de setembro do 2005 – Presente |
| Web oficial | |
| IMDb profile | |
My Name Is Earl (traducido coma Me llamo Earl en España), é unha comedia de situación gañadora dun Premio Emmy, creada por Greg Garcia e producida por Fox. Actualmente emítese a súa terceira temporada pola canle NBC.
[editar] Argumento
Os seus intérpretes principais son Jason Lee, Ethan Suplee, e Jaime Pressly. Lee interpreta a Earl J. Hickey, un delincuente de pouca monta sen respecto nin por nada nin por ninguén, que nada máis gañar $100.000 na lotería, perde o boleto ao ser atropelado por un coche. No tempo de repoñerse no hospital a súa muller faille firmar o divorcio, e é entón cando a través da televisión descubre o karma a raíz dun comentario de Carson Daly no seu programa. O descubrimento do karma, faille reformular a súa vida, á que decide darlle un xiro. Ese xiro materialízase nunha lista na que escribe toda as súas malas accións para intentar enmendalas. Despois dun par de boas accións recupera o seu boleto de lotería premiado. Earl interpreta isto como un sinal de que o karma funciona, así que decide aproveitar a tranquilidade que lle dá o diñeiro que acaba de gañar na lotería para dedicar o seu tempo a emendar as accións da lista, tachándoas unha vez liquidadas. Ao primeiro, a súa lista ten 259 malas accións (no primeiro capítulo xa tacha unha, a número 64), pero ao tempo que avanza a serie vai engadindo malas accións segundo as vai lembrando.
Ethan Suplee interpreta ao irmán pequeno de Earl, Randy Hickey, un bonachón que non foi agraciado con demasiada intelixencia. Pressly interpreta á ex muller de Earl, Joy Darville. Tamén aparecen dentro do reparto Eddie Steeples, que interpreta a Darnell Turner, o novo marido de Joy, amén do pai biolóxico do segundo fillo de Earl, máis coñecido como o Home Caranguexo, e Nadine Velazquez, Catalina Aruca, unha atractiva rapaza da limpeza latinoamericana con moi bo corazón que traballa no motel onde viven os irmáns Hickey.
[editar] Concepción
Segundo as entrevistas na primeira edición do DVD (versión estadounidense), a personaxe de Earl está parcialmente inspirada no padrastro do creador da serie, Greg Garcia, tamén chamado Earl. Ao igual que Earl Hickey, o Earl de verdade coñeceu e casou cunha muller que estaba embarazada dun fillo doutro home. Co tempo tamén tivo un segundo fillo cun afroamericano, como fixo Joy na serie. O Earl real estivo involucrado nalgunhas actividades cuestionábeis no pasado, pero finalmente cambiou, como fixo Earl.
García escribiu o episodio piloto mentras traballaba noutra comedia de situación, Yes, Dear. Ao primeiro contactou coa Fox, a cal aprobou a serie. Ao final foi a NBC a que aprobou a realización do piloto condicionado a que se poidese conseguir un reparto de garantías.
Jason Lee foi contactado para a personaxe principal, pero non estaba interesado en traballar para a televisión y rexeitou en dúas ocasións a personaxe, ata que ao final aceptou gravar o episodio piloto despois de le-lo guión. A pesar de que lle gustou o piloto, amosouse indeciso a comprometerse ata que se reuniu con García, o creador da serie.
