Brántega, Agolada
Na Galipedia, a wikipedia en galego.
San Lourenzo de Brántega é unha parroquia que se localiza no oeste do concello de Agolada. Segundo o padrón municipal de 2004 tiña 179 habitantes (92 homes e 87 mulleres) distribuídos en 9 entidades de poboación, o que supón unha diminución en relación ao ano 1999 cando contaba con 240 habitantes.
Brántega é un nome de raíz céltica. Existen na parroquia varios túmulos funerarios no Campo da Mámoa e en Moas.
A parroquia de Brántega foi cabeza do concello e nela celebrábase unha importante feira o día 26 de cada mes. Ademais é un nó de comunicacións para as freguesías do arredor e mantén unha certa actividade comercial e de servizos. A súa maior riqueza é a forestal e destaca pola súa produción de cortiza, xa que a sobreira medra en abundancia na cunca do "Río Grande".
O titular de Brántega é San Bartolomeu, pero ten festa tamén a Santa Cruz. A igrexa parroquial, do século XVIII, garda un retábulo barroco. Ademais da igrexa, hai tres capelas nos lugares de Moas, Casal e Feira Nova. Neste último víñase celebrando a feira, hoxe desaparecida.
No tocante á arquitectura civil, na aldea de Moas existe un vello casal con escudo nobiliario que pertenceu ao conde de Pallares.
[editar] Bibliografía
A Comarca do Deza, Armando Vázquez Crespo e Daniel González Alén. Deputación de Pontevedra
| Lugares da parroquia de Brántega no concello de Agolada (Pontevedra) | |
|---|---|
|
A Carballa | O Casal | Castro | A Eirexe | A Feira Nova | Fondo de Brántega | Moas | Sobrado | As Torres | Vilanova | Brántega |
