Índice de Desenvolvemento Humano
Na Galipedia, a wikipedia en galego.
.svg/400px-UN_Human_Development_Report_2007_(2).svg.png)
| por riba de 0,950 0,900–0,949 0,850–0,899 0,800–0,849 0,750–0,799 | 0,700–0,749 0,650–0,699 0,600–0,649 0,550–0,599 0,500–0,549 | 0,450–0,499 0,400–0,449 0,350–0,399 por baixo de 0,350 non dispoñible |
O Índice de Desenvolvemento Humano ou IDH é un índice estatístico composto que vén sendo empregado polo Programa das Nacións Unidas para o Desenvolvemento (PNUD) dende 1993, avaliando o desenvolvemento humano dos estados do mundo.
O índice foi desenvolvido en 1990 polo economista paquistanés Mahbub ul Haq e o economista indio Amartya Sen[1].
Índice |
[editar] Criterios de avaliación
- Educación: para avaliar a dimensión da educación o cálculo do IDH considera dous indicadores. O primeiro é a taxa de alfabetización, considerando a porcentaxe de persoas maiores de 15 anos de idade. O segundo é a taxa bruta de escolarización, combinando as medidas das taxas para a educación primaria, secundaria e superior.
- Lonxevidade: a lonxevidade é avalidada considerando a esperanza de vida ó nacer, que permite a medición indirecta da satisfacción de bens materiais esenciais tales como o acceso a unha alimentación sa, á auga potable, a unha vivenda digna, a unha boa hixiene e a coidados médicos.
- Nivel de vida/renda: calcúlase mediante o logaritmo do Produto Interior Bruto por habitante en paridade de poder adquisitivo, en dólares. Engloba os elementos da calidade de vida que non son descritos polos dous índices anteriores, como a mobilidade ou o acceso á cultura.
[editar] Cálculo do IDH
O IDH calcúlase como a media aritmética dos índices de lonxevidade, nivel de educación e nivel de vida ou renda.
(onde L = Lonxevidade, E = Educación e R = Renda)
O cálculo destes índices vén dado no seguinte cadro:
| Índice | Medida | Valor mínimo | Valor máximo | Fórmula |
|---|---|---|---|---|
| Lonxevidade | esperanza de vida ó nacer (EV) | 25 anos | 85 anos |  |
| Educación | Taxa de alfabetización (TA) | 0% | 100% |  |
| Taxa bruta de escolarización (TBS) | 0% | 100% | ||
| Renda | logaritmo do PIB por habitante en paridade de poder adquisitivo |
100 USD |
40 000 USD |
 |
[editar] Clasificación do IDH
No informe publicado en 2007 o Índice de Desenvolvemento Humano oscila entre Islandia cun índice de 0,968 na primeira posición ó 0,336 de Serra Leoa no posto 177.
Os estados clasifícanse en 3 grandes grupos_
- Estado con desenvolvemento humano alto (IDH ≥ 0,8): 70.
- Estado con desenvolvemento humano medio (0,5 ≤ IDH < 0,8): 85.
- Estado con desenvolvemento humano baixo (IDH < 0,5): 22.
[editar] Notas
- ↑ (en inglés) About HDRO.
