África

Na Galipedia, a wikipedia en galego.

Para outros usos vexa África (homónimos)

Imaxe de satélite do continente africano. NASA

África é o segundo continente en poboación e extensión, 922 millóns de habitantes ocupan 30.244.050 km², incluíndo as illas adxacentes, o que representa o 20,3% da superficie da Terra.
Os romanos déronlle o nome de Africa terra (terra dos Afri) ao norte do continente, na que estableceron a provincia romana de África. A orixe do nome pode ser o fenicio 'afar (po), a tribo Afridi da rexión de Cartago, o grego aphrike (sen frío), ou ben o latín aprica (caloroso), África coñécese popularmente como o continente negro, por ser esa a cor da maioría da súa poboación.

Índice

1 Xeografía
2 Véxase tamén
- 2.1 Ligazóns externas
- 2.2 Lista de países africanos

[editar] Xeografía

Mapa de África en 1890.

Separado de Europa polo Mar Mediterráneo, e unida á Asia polo Istmo de Suez, tén o Mar Vermello ó norleste, o Océano Índico ó leste e sur, e o Océano Atlántico ó oeste e sur. Está atravesado polo ecuador
O ponto máis ao norte é Ras ben Sakka (Marrocos) 37°21' N mentres o ponto máis ao sur é Cabo Agullas (Sudáfrica) 34°51'15″ S, entre eles hai unha distancia de 8.000 km.

O ponto máis occidental é Cabo Verde 17°33'22" W, mentres o máis oriental é Ras Hafun (Somalia) 51°27'52" E, entre eles hai unha distancia de 7400 km. África conta con 26.000 km de costa.

O relevo africano pódese considerar formado por dúas grandes altiplanicies:

a ecuatorial, montañosa que ocupa todo o S. e E. do continente, cunha altitude media de 1.200m., remata no macizo de Etiopía no NE.
a planicie do Sahara e Sudán, máis baixa, arredor de 400m. de elevación media no Sahara, que ocupa todo o centro e a maior parte do N, interrompida polos montes Ahaggar e Tibesti (máis de 3.000m)