Wikipedia:廳下里

箇係隻討論嗰地點，廳下里係暫時取嗰名字，表示大家都可以到箇首討論問題。請各位積極參與。

[編寫] 拼音問題

各個地方嗰發音有蠻大嗰差別，Symane提意見話要在贛語維基百科上實現字同到各地嗰字音轉換，有南昌音，撫州音，宜春音等，將通用的漢字轉換成各地的拼音讓大家都可以讀得懂。請大家發表意見。--Vipuser 2008年6月1日 (禮拜天) 08:03 (UTC)

箇隻想法偶老早就話非常要得嘍，但係不曉得技術上舞得正啵？--Jiangxinese 2008年6月2日 (禮拜一) 08:40 (UTC)

而今要搞一隻機器人來整理文章內地嗰wp/gan/，箇隻工作量蠻太，手工浪費蠻多時間，還有要搞隻機器人來清理分類，Category:維基百科裡頭嗰有幾百隻分類要整理。--Vipuser 2008年6月4日 (禮拜三) 03:53 (UTC)

維基百科試驗嗰時間不係咁嗰，不曉得而今為什哩咁亂。倷曉得啷舞機器人啵，倷就跟到舞一隻唦！--Jiangxinese 2008年6月4日 (禮拜三) 13:16 (UTC)

偶不晓得舞啊，要到中文维基请隻人来搞一下--Vipuser 2008年6月4日 (禮拜三) 13:39 (UTC)

偶學哩一下，倷去看一下wikipedia:機器人。--Vipuser 2008年6月7日 (禮拜六) 08:23 (UTC)

禮拜幾同到星期幾都話，而今星期幾相對話得多，是不是應該翻譯成星期幾啊，往中文一樣，禮拜幾一般是信仰基督教嗰人話嗰，有違反中立原則嗰嫌疑--Vipuser(話事) 2008年6月10日 (禮拜二) 03:00 (UTC)

用「禮拜」二字箇係流傳下來嗰，話係話佢源自宗教，但箇層意思早就拕忘吥嘍，偶不覺得咁違反wiki嗰「中立原則」。再話到南昌就冇幾隻人話「星期」，好拗口嗰！Symane 2008年6月12日 (禮拜四) 09:54 (UTC)

大家都來討論一下箇隻問題？討論出對以後贛語維基百科發展影響大，目前急需要做箇事，還有可以用機器人自動完成嗰事，省得浪費人工。我先來話幾隻。

補充文章內容：而今我建立蠻多日子嗰文章，架子都搭起來哩，可以往日子或年份內填當日相關嗰內容，提高文章嗰質量。
學習機器人技術：我前幾工學哩一滴子機器人技術，而今還扤得不熟，但已經感覺到機器人蠻殺賴，希望大家都能學滴子，把一些簡單重複嗰工作扤機器人做，要是自己不曉得扤，也可以提出來讓別人來舞。

各位也都來發表一下高見，把贛語維基舞得更好。--Vipuser(打講) 2008年6月11日 (禮拜三) 03:43 (UTC)

- 補充內容：箇係非常重要嗰，像Wikipedia:許年今日大多數嗰條目都係空嗰。
- 機器人：偶個人係扤伓來，請別嗰咯… :)
- 拼音化：User:Symane嗰箇隻想法真嗰係非常喫價，要係真嗰扤起來嗰話，偶估別嗰中文維基都要來學囉，到時間收不收版權費都係隻問題！！^.^ Jiangxinese 2008年6月11日 (禮拜三) 11:37 (UTC)

偶仰上會做正Portail:江西人同到Portail:贛語嗰方言兩隻主題。話到「拼音化」嗰工作，勞請Vipuser能搭把手幫吖忙！Symane 2008年6月12日 (禮拜四) 09:58 (UTC)

怎么幫啊？--Vipuser(打講) 2008年6月13日 (禮拜五) 03:35 (UTC)

老早就跟倷話過，繁簡轉換完全可以參考得正中文維基百科，佢俚已經扤得非常來事嘍。倷哈話倷到中文wiki扤過一吖子繁簡轉換，咁對箇套程序就應該更了解嘍。係吥哩？

再話拼音話嗰工作，箇完全跟繁簡轉換係一隻原理，扤起來哈會好艱難啊？Symane 2008年6月13日 (禮拜五) 11:26 (UTC)

首先，程序還要往開發人員哇一下，先裝上繁簡轉換系統，然後可以根據標籤改作偶哩需要嗰樣子，關鍵是要標注拼音嗰字是哪些？轉換顯示嗰時候是光顯示拼音還是音往字一起顯示。箇是隻工作量相當大嗰事。要有隻規劃一步一步扤。--Vipuser(打講) 2008年6月14日 (禮拜六) 16:41 (UTC)

具體嗰程式偶完全不懂，哆真要請倷幫吖忙。漢字轉換成拼音，偶嗰想法係全部轉換，就像「繁簡轉換」樣，界面語言、界面內容都轉換成拼音。不曉得倷啷話？要係偶幫得正忙偶肯定幫，要係倷對咁箇也冇幾清楚，偶也可以尋別嗰來幫吖子忙。好啵？Symane 2008年6月16日 (禮拜一) 14:15 (UTC)