Spoar fan Swol nei Ljouwert

Ut Wikipedy

It spoar fan Swol nei Ljouwert is in spoarwei yn Oerisel en Fryslân mei in langte fan 95 km en mei in reistiid fan likernôch 60 minuten.

Ynhâld 1 Stasjons 2 Ferbinings 3 Skiednis 4 Bysûndere halten

[bewurkje seksje] Stasjons

Oan it spoar lizze 9 stasjons:

• Swol

  Dalfsen / Berkum

  Dedemsfeart

  Staphorst

• Meppel

  Nijefean

• Stienwyk

  Willemsoard

  Pepergea

• Wolvegea

  Aldskoat

• It Hearrenfean Iisstadion
• It Hearrenfean

  Stobbegat

• Akkrum
• Grou-Jirnsum

  Idaard-Reduzum

  Wurdum

• Ljouwert

[bewurkje seksje] Ferbinings

Yn Swol hat it spoar ferbining mei oare spoaren:

• it spoar fan Apeldoarn nei Swol
• it spoar fan Swol nei Almelo
• it spoar fan Swol nei Emmen
• it spoar fan Swol nei Kampen
• it spoar fan Utert nei Swol

Yn Meppel hat it spoar in ferbining mei in oar spoar:

• it spoar fan Meppel nei Grins

Yn Ljouwert hat it spoar ferbining mei oare spoaren:

• it spoar fan Harns nei Ljouwert
• it spoar fan Ljouwert nei Grins
• it spoar fan Ljouwert nei Starum

[bewurkje seksje] Skiednis

Op 18 augustus 1860 waard yn de Spoarweiwet ûnder oaren besletten ta de oanlis fan de ferbining Swol - Ljouwert, as part fan de line Arnhim - Ljouwert. Op 1 oktober 1867 waard it part Swol - Meppel iepene, op 15 jannewaris 1868 it part Meppel - It Hearrenfean en itselde jier op 1 septimber waard it lêste stik, It Hearrenfean - Ljouwert, iepene.

It spoar foel oarspronklik ûnder de Steatsspoarwegen. Mei it ûntstean fan de Nederlânske Spoarwegen krige dy it behear oer it spoar. Oarspronklik wie der ek in halte Dalfsen, letter Berkum; yn 1923 is dy lykwols sletten. Yn 1924 waard in halte iepene yn Stobbegat (Vegelinsoard). Yn 1933 waard de halte Nijefean sletten, en yn 1935 de halte Willemsoard en it stasjon Staphorst. De stasjons fan Pepergea en Aldskoat en de halten Stobbegat en Idaard-Reduzum waarden sletten yn 1938. Ek it stasjon Dedemsfeart en de halte Wurdum waarden dat jier sletten, mar yn 1940 waarden se wer iepene. Stasjon Dedemsfeart waard lykwols datselde jier ek wer sletten, mar Wurdum bleau iepen oant 1949.

Fan 1975 oant 1977 waard in proef dien mei in stasjon It Hearrenfean Iisstadion. It stasjon waard lykwols wer sletten as regulier stasjon.

[bewurkje seksje] Bysûndere halten

Treinen stopje no allinnich by It Hearrenfean Iisstadion as der yn Thialf grutte eveneminten binne.