Kroan
Ut Wikipedy
In kroan is it symboal fan de foarst. Hy tsjut syn macht en syn legitimens oan. In kroan is almeast makke fan eale metalen en ealstiennen.
De oarsprong fan de kroan is net wis. Guon skiedkundigen wolle hawwe dat dy ûntstean as út de helmen fan de keningen, dy't faak mear fersiering hienen as de helmen fan harren folgelingen, of faaks fan allinnich dy fersierings. Oaren hâlde it der op dat de kroan fan oarsprong in haadbân wie om in ealstien op 'e foarholle te dragen.
De Nederlânske Keningskroan waard yn 1816 fêststeld by Keninklik Beslút of kabinetsoarder (24.6.1816 nr. 77). Oars as by it ynstallearen fan de measte oare foarsten, wurdt de Nederlânske kening net kroand mei de kroan. Ommers, yn it Plakkaat fan Ferlating hawwe de Nederlannen steld dat de kening it folk tsjinnet; dêrby past net in ynhuldiging wêrby de kening troch de kroaning boppe it folk pleatst wurdt.
