Tarcisio Petracco

De Vichipedie, la enciclopedie libare dute in marilenghe.

	«A saressin vonde 10 o 20 furlans come Tarcisio Petracco par dismovi il Friûl e tirâlu sù di une cierte apatie e indiference che lu fasin dismenteâ dal so gloriôs passât»
	(Alfredo Battisti, arcivescul di Udin, inte orazion funebre)

Tarcisio Petracco (Sant Zorç de Richinvelde, ai 29 di Març 1910 – Udin, ai 5 di Zenâr 1997), professôr e studiôs di grêc e latin.

[cambie] La vite

Di famee di puars contadins, tal 1920 al piert la mari e a 16 agns al à di molâ i studis e lâ a vore, prime come istitutôr, po inte assicurazions; al vuadagne ancje il Certificât internazionâl di radiotelegrafist, e par chest al ven imbarcjât inte Vuere di Afriche par plui di 10 agns, cuant che al continue di bessôl a studiâ, rivant prime se abilitazion magjistrâl, dopo a 25 agns ae maturitât classiche e a 30 a la lauree in Letaris a Padue. Tornât in Friûl di Flum, dopo dai 8 di Setembar dal 1943, al va a insegnâ grêc e latin a Cividât; al devente ancje partigjan clandestin di là da l'aghe, tignint leams cui combatents de zone di Cividât che a jerin impegnâts a fermâ l'avanzade dai partigjans di Tito che a pontavin a cjapâ il control ancje di chês zonis. Tal 1947 al spose Nadia Zampol d'Ortìa, ancje je insegnant, e di je al à trê fiis.Al tache a insegnâ al liceu Stellini di Udin, ma, no rivant a mantignî la famee, e par no cirî ricompensis pe lote partigjane come che vevin fat altris, tal 1949 al emigre in Canade, dulà che al scuen lavorâ come muradôr e lavorant, insegnant tal timp libar l'inglês ai altris emigrâts. Rientre in Friûl tal 1955, e al insegne fin al 1975 latin e grêc al Stellini di Udin. Al fo ancje inventôr. Al è impuartant soredut pe lote pe universitât furlane, scomençade tal 1971 e puartade indevant dal 1972 a cjâf dal Comitât pe universitât furlane.

[cambie] Risultivis

• Tarcisio Petracco, La lotta partigiana al confine orientale (la bicicletta della libertà), Udin, 1994
• Tarcisio Petracco, La lotta per l'università friulana, Forum, Udin, 1998