Eucáncia
Dendi Güiquipeya
La eucáncia (del latín educere "guial" u educare "hormal") puei definilsi cumu:
- El procesu bidirecional meyanti el cual se transmitin conocimientus, valoris, costumbris i holmas d'atual. La eucáncia nu sólu se prouci a través de la parabra: está presenti en tolas muestras acionis, sentimientus i atituis, los cualis son anombraus nel ámbitu eucativu cumu "currículu açonchau".
- El procesu d'envinculaeru i concenciación curtural, moral i condutal. Desti mó, meyanti la eucáncia, las heneracionis nuevas deprendin los conocimientus, normas de conduta, mós de sel i holmas de vel el mundu de heneracionis anterioris, criandu amás otrus nuevus.
- Procesu de socialiçación hormal de los endividus duna socieá.
- La eucáncia se comparti entri las presonas pol mé las muestras ideas, curtura, conocimientu... respetandu siempri a los demás. Esta nu siempri se da nel aula. Desistin tres crasis d'eucáncia: la hormal, la nu hormal i la enhormal.
- La eucáncia hormal es la escolal, básicamenti centrá enos chirivehis.
- La eucáncia nu hormal se dá enas estitucionis eucativas huera la escuela.
- La eucáncia enhormal es aquella ena que nu ai una entención esplícita d'eucal.
Una de las definicionis más enteresantis mos la proponi unu los más grandis pensaoris, Aristóteles: "La eucáncia consisti en derihil los sentimientus de pracel i dolol pal ordin éticu."
El ohetivu la eucáncia es:
- Homental el procesu d'estruturación del pensamientu, de la imahinación criaora, las holmas d'espresión presonal i de comunicación verbal i gráfica.
- Favorecel el procesu de maduración de los chirivehis eno sensoriu-motol, la manifestación lúdica i estética, el esmiençu eportivu i artísticu, el crecimientu sociu afetivu, i los valoris éticus.
- Homental ábitus d'entegración social, de convivéncia grupal, de solidariá i coperación i de conservación del meyu ambienti.
- Esarrollal la creativiá nel endividu.
- Hortalecel la envinculación entri la estitución eucativa i la família.
- Prevenil i atendel las desigualdais físicas, psíquicas i socialis prevocás en deferéncias d'ordin biulóhicu, nutricional, familial i ambiental pol mé pogramas especialis i acionis articulás con otras estitucionis comunitárias.
[eital] Concetu d'eucáncia
La eucáncia es un procesu de socialiçación de presonas nuna socieá ondi s'esarrollan capaciais enteletualis, albeliais, destreças i ténicas a los estuyantis. La eucáncia básica es de bardi pa tolos estuyantis, inque ebiu a la escasés d'escuelas púbricas, tamién desistin una tupa escuelas privás i parroquialis.
La eucáncia se refieri a la enfluéncia ordená i voluntária ehelcia sobri una presona pa holmala u esarrollala.
[eital] Atihus
- Rivista d'Eucáncia on line del MEC (España)
- Rivista Iberuamericana d'Eucáncia
- Eucáncia sin arrayus
- Campaña Mundial pola Eucáncia
- Diretóriu de portalis eucativus
- Wolters Kluwer Educación - Notícias i librus pala eucáncia
- Rivista d'orientación profesional al tentu estuyus i profesionis
- Web de la rivista Escuela
- Rivista d'eucáncia pedagóhica
