Abel San Martin
Wikipedia(e)tik
Abel San Martin, pilota munduan Barberito I bezala ezaguna, (Baños de Rio Tobia, Errioxa, 1927ko irailaren 11 - 1980) eskuz pilotaria zen. Afizionatu bezala hasi zen eta 1947an Bartzelonako Colon pilotalekuan ospatu zen Espainiako Eskuz Banakako Pilota Txapelketa irabazi zuen afizionatu mailan. Horrez gain, urte berean, Espainiako Eskuz Binakako Pilota Txapelketa irabazi zuen Titin I.arekin. 1951an profesionaletan debutatu zuen. 1953an Eskuz Banakako Pilota Txapelketa irabazi zuen Gallastegik uko egin zuelako. 1954an, Eskuz Banakako Pilota Txapelketaren finala galdu zuen Soroa II.aren aurka 22 eta 4 galduta. 1972an erretiratu zen. 1980an zendu zen gaixotasun batek jota.
Gaur egun, Baños de Rio Tobiako pilotalekuak Barberito I du izena eta urtero Barberito Txapelketa antolatzen dute bere omenez.
[aldatu] Palmaresa
- Espainiako Eskuz Banakako Pilota Txapelketa afizionatuetan: 1947an Bartzelonan.
- Espainiako Eskuz Binakako Pilota Txapelketa afizionatuetan: 1947an Bartzelonan.
- Eskuz Banakako Pilota Txapelketako txapelduna: 1953an.
- Eskuz Banakako Pilota Txapelketako txapeldunorde: 1954an Eibarren.